iklan

EKONOMIA, INTERNASIONÁL, DILI, HEADLINE

IFC sei koopera ho Governu hadia ambiente investimentu

IFC sei koopera ho Governu hadia ambiente investimentu

Reprezentante rezidente Internasional Financal Corporation, David Freedman. Imajen Tatoli/Egas Cristovão

DILI, 11 outubru 2023 (TATOLI) – Reprezentante International Finance Corporation (IFC), David Freedman, hateten kompeténsia IFC mak atu haree ba setór privadu no sei koopera ho Governu atu hadia ambiente ba empreza no mós ambiente ba investimentu.

“Nu’udar ajénsia finanseira, ami buka oinsa atu halo investimentu ho osan rasik no mós mobiliza finansiamentu hosi fonte seluk atu halo investimentu iha setór privadu, atu finansia iha setór privadu, entaun ita sei koopera ho Governu atu bele hadia ambiente ba investimentu nian”, David dehan ba jornalista sira iha Faról, kuarta ne’e.

Iha parte seluk, IFC haree Governu rai hela osan iha fundu petróliferu no iha prosesu ne’ebé la’o hela atu dezenvolve kampu Greater Sunrise no promove mós investimentu hodi dezenvolve setór hotu atu sustentabiliza ba ekonomia rai laran.

“Ita presiza halo programa hodi hametin baze legál ba setór finanseiru atu bele dezenvolve kapasidade ajénsia finanseira”, nia hakotu.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!