COVALIMA, 12 outubru 2023 (TATOLI) – Servisu Rejistu no Verifikasaun Emprezariál (SERVE) sukarsál Covalima, rekolla, entre janeiru no setembru, reseita hamutuk $7.332 ba kofre Estadu.
Iha janeiru, SERVE arrekada reseita $616, fevereiru $274, marsu $948, abríl $285, maiu $595, juñu $836, jullu $775, agostu $793 no setembru $2.210
Koordenadór SERVE Covalima, Pedro dos Santos, hatete reseita ne’e mai husi rejistu komersiál hamutuk 421 mak hanesan empreza foun iha 155, renovasaun lisensa negósiu 308 no halo alterasaun hodi aumenta atividade 58.
Dirijente ne’e salienta katak SERVE halo atendimentu ba rejista komersiál la’os de’it iha edifísiu, maibé halo mós rejistu movél mak funsionáriu sira bá to’o kliente sira-nia fatin.
Jornalista: Celestina Teles
Editora: Maria Auxiliadora
