VIQUEQUE, 12 outubru 2023 (TATOLI)-Diretór Sekretáriadu Tekniku Adiministrasaun Eleitorál (STAE), Humberto Fernandes, informa, STAE munisísipiu Viqueque formasaun ba membru asembleia suku husi suku 35 kona-ba preparasaun simu kandidatu xefe suku nian.
“Ohin, ami fó formasaun loron ida ba membru asembleia meza sira husi suku ida-idak tanba eleisaun suku ne’e bázeia ba lei númeru 09/2016 nain ba eleisaun suku maka adiministradór munisípiu, sekretáriu munisípiu no adiministradór postu, xefe suku no xefe aldeia maka organiza direta ba eleisau suku. Komisaun Nasionál Eleisaun (CNE-sigla portugés) no STAE hetan koñesementu ba eleisuan nune’e Estadu no Governu fó fiar hodi transmite koñesementu sira-ne’e ba estrutura konsellu suku no meza asembleia suku ne’ebé oin simu formasaun tanba ita hotu ninia hakarak maka eleisaun ne’e la’o di’ak”, Humberto Fernandes, hateten iha abertura formasaun ba asembleia suku sira, iha salau edifísiu STAE Viqueque, kinta ne’e.
Tanba ne’e STAE ninia prezensa atu fó apoia lojístika no apoia formasaun ba konsellu suku no Asembleia Suku sira tanba 13 outubru 2023 asembleia suku hahú simu kandidatura xefe suku nian, 28 outubru 2023 loron votasaun iha aldeia ida-idak no 28 outubru 2023 maka simu xefe aldeia no delegadu/a sira.
“Tanba ne’e, ami konvida membru asembleia suku hotu iha Viqueque hodi simu vrifin husi ami atu aban hahú tuku 7 to’o tuku sia forma meza asembleia. Depois tuku 10 hahú simu kandidatu xefe suku sira to’o tuku 1 meiudia. Ha’u husu ba membru meza asembleia suku sira ne’ebé hetan ona formasaun, karik mosu kritika no lamentasuan ruma uza fuan hodi rezolve problema ho ulun malirin atu ita labele lori malu ba Polísia no tribunál ida-ne’e ladi’ak”, nia hato’o.
Tanba festa eleisaun suku ho ninia natureza festa família nune’e misaun asembleia suku aban bele serbisu la’o ho di’ak no implementa materiál sira-ne’ebé mak simu ona husi STAE.
Iha fatin hanesan Diretór munisípiu Viqueque diresaun Apoia Soasiadade no suku, Cosme Sarmento, haktuir liu husi formasaun ba meza asembleia suku sira-ne’e hodi hasa’e liu tán koñesementu lidera meza asembleia iha suku ida-idak.
“Tanba komesa aban meza asembelia hahú simu kandidatu xefe suku sira, meza asembleia maka sei simu kandidatu sira. Ita maka sei kria kondisaun oinsa maka eleisaun ne’e bele la’o di’ak”,
Nune’e nia husu, asembleia suku sira labele limite kandidatu sira ne’ebé maka iha interese kandidata an ba xefe suku, oras simu kandidatu hotu maka foin bele para.
“Ita maluk ruma hakarak kandidatu imi (asembleia suku) labele limite sira, husik kandidatu sira rejistu tanba povu maka sei deside. Tanba ne’e ha’u husu ba asembleia suku sira-ne’ebé simu kandidatu sira serbisu ho transparansia no imparsiá,” nia hato’o.
Enkuantu, iha formasaun ne’e durante loron ida ne’e oferese husi STAE no oferese mós formuláriu kona-ba kandidatu nian ba membru asembleia suku sira iha munisípiu Viqueque.
Formasaun ne’e ba membru asemblea suku kompostu husi xefe aldeia ida, lia nain ida no delegadu/a reprezenta na’in ida kada suku ida ema na’in-3 nune’e husi suku 35 prepara eleisaun suku ne’e asembleia totál hamutuk na’in-105.
Jornalista: Vitorino Lopes da Costa
Editóra : Julia Chatarina
