DILI, 18 outubru 2023 (TATOLI)–Governu liuhosi reuniaun Konsellu Ministru ordináriu, kuarta ne’e, delibera hodi fó toleránsia de pontu iha loron 27 outubru.
“Toleránsia ne’e ba funsionáriu, ajente no traballadór administrasaun direta Estadu, tantu sentrál ka deskonsentradu sira, nomós organizmu administrasaun indireta Estadu nian hodi fasilita partisipasaun populasaun iha eleisaun ba líder komunitáriu,” refere nota ne’ebé Agência Tatoli asesu, hafoin reuniaun ezekutivu, iha Palásiu Governu.
Eleisaun ba lider komunitária sei hala’o iha loron sábadu (28/10/2023) iha territóriu Timor-Leste. Kritériu ba kandidatura xefe suku mak timor-oan ho idade 17 ba leten halo ona resenseamentu eleitorál, hela duni iha suku no presiza kumpre rekizitu hanesan fotokópia kartaun eleitorál tahan 2, foto koloridu 3×4 tahan 2, prienxe formuláriu aseitasaun kandidatura, aprezenta lista apoiante 1% hosi eleitór suku no ne’ebé kandidata-an ba no fotokópia kartaun eleitorál apoiante sira.
Notísia relevante : CNE fó ona edukasaun sivika ba ema rihun 25 kona-ba eleisaun suku
Data sorumutuk ba Asembleia Aldeia no Konsellu Suku to’o loron 10 outubru 2023 fó sai konvokatória sorumutuk Konsellu Suku ba konstituisaun Meza Eleitorál Suku no resesaun kandidatura Xefe Suku nian.
Ligadu ho konstiuisaun meza eleitorál suku no kandidatura ba eleisaun Xefe Suku no ninia reklamasaun, iha loron 13 outubru 2023.
Sorumutuk Konsellu Suku ba konstituisaun Meza Eleitorál Suku no resesaun kandidatura sira Xefe Suku mak hanesan, verifikasaun no desizaun admisaun kandidatura sira ne’ebé aprezenta ona ba eleisaun Xefe Suku liuhosi parte Meza Eleitorál Suku nian. Prazu ba reklamasaun hosi desizaun admisaun ka rejeisaun kandidatura Xefe Suku sira no desizaun Meza Eleitorál Suku nian kona-ba reklamasaun ne’ebé aprezenta ona.
Nune’e, prazu ba rekursu desizaun Meza Eleitorál Suku kona-ba reklamasaun ne’ebé aprezenta ona kona-ba admisaun ka rejeisaun kandidatura Xefe Suku no desizaun hosi Konsellu Suku kona-ba rekursu ne’ebé aprezenta ona.
Períodu fó informasaun ba públiku no edukasaun ba aleitór sira kona-ba prosesu eleisaun ba líder komunitáriu sira.
Loron 08 to’o 25 outubru 2023, hanesan períodu fó informasaun ba públiku no edukasaun ba eleitór kona-ba prosesu eleisaun ba líder komunitária sira, tuir lei númeru 9/2016, loron 08 jullu.
Konstituisaun meza eleitorál Aldeia nian no votasaun dahuluk ba Xefe Suku. To’o loron 25 outubru 2023 fó sai konvokatória hosi sorumutuk Asembleia Aldeia nian ba eleisaun líder komunitáriu no sorumutuk Konsellu Suku ba akompañamentu apuramentu finál hosi rezultadu sira eleisaun Xefe Suku.
Iha loron 28 outubru 2023 nu’udar loron eleisaun Xefe Suku, Xefe Aldeia no Delegada no Delegadu Aldeia sira nian ba Konsellu Suku. Hahú kontajen votu no apuramentu hosi rezultadu eleisaun sira.
Iha 29 outubru 2023 apuramentu rezultadu sira ba Xefe Suku, reklamasaun husi atus kontajen votus no apuramentu rezultadu sira. Rekursu ba desizaun ne’ebé fó-sai husi Meza Eleitorál Suku nian relasiona ho reklamasaun sira ne’ebé aprezenta ona kona-ba atus kontajen votu ka apuramentu rezultadu.
Enkuantu, votasaun daruak iha prosesu eleisaun ba líder komunitáriu sira. To’o 10 novembru 2023 fó sai konvokatória hosi sorumutuk Asembleia Aldeia ba Votasaun daruak ba eleisaun Xefe Suku no sorumutuk sira hosi Konsellu Suku ba akompañamentu apuramentu finál hosi rezultadu votasaun daruak eleisaun Xefe Suku nian.
Iha loron 13 novembru 2023 Votasaun daruak ba eleisaun Xefe Suku. Hahú Kontajen votus no apuramentu hosi rezultadu eleisaun sira. Iha 14 novembru 2023 apuramentu rezultadu ba Xefe Suku. Reklamasaun hosi atus kontajen votus no apuramentu rezultadu sira. Rekursu ba desizaun ne’ebé hato’o hosi Meza Eleitorál Suku nian relasiona ho reklamasaun sira ne’ebé aprezenta ona kona-ba atus kontajen votu ka apuramentu rezultadu nian.
Eleisaun ba lia-na’in no reprezentante juventude iha Konsellu Suku, to’o 05 novembru 2023 ka to’o 21 novembru 2023 fó-sai konvokatória hosi sorumutuk sira Konsellu Suku nian ba eleisaun Lia-na’in no reprezentante juventude iha Konsellu Suku.
To’o 08 novembru 2023 ka to’o 24 novembru 2023 Konstituisaun Meza Eleitorál Suku nian ba eleisaun Lia-na’in no Reprezentante Juventude iha Konsellu Suku. Aprezentasaun kandidatura Lia-na’in no Reprezentante Juventude ba Konsellu Suku iha Meza Eleitorál Suku nia oin.
Verifikasaun kandidatura sira ne’ebé aprezenta ona ba Lia-na’in no Reprezentante Juventude iha Konsellu Suku no desizaun Meja Eleitorál Suku nian kona-ba admisaun hosi kandidatura sira ne’ebé aprezenta ona.
Votasaun ba eleisaun Lia-na’in no Reprezentante Juventude iha Konsellu Suku. Kontajen votu no apuramentu hosi rezultadu eleisaun ba Lia-na’in no Reprezentante Juventude iha Konsellu Suku.
Remesa ka haruka dokumentu eleitorál ba ministériu administrasaun Estatál, to’o 09 novembru 2023 ka to’o 25 novembru 2023. Remesa la haruka dokumentu eleitorál sira Suku nian ba Administrasaun Postu Administrativu. To’o 10 novembru 2023 ka to’o 26 novembru 2023. Remesa ka haruka dokumentu eleitorál sira hosi Suku ba Autoridade Munisipál no Administrasaun Munisipál. To’o 11 novembru 2023 ka to’o 27 novembru 2023. Remesa ka haruka dokumentu eleitorál sira Suku ba Diresaun Jerál Dezentralizasaun Administrativa.
Jornalista : Antónia Gusmão
Editora : Julia Chatarina
