FOCADIOMA-MJDAK diskute joven sira bele utiliza orasaun Taize
DILI, outubru 2023 (TATOLI) – Diretór ezekutivu Foinsa’e Catolika Dioseze Maliana (FOCADIOMA), Pe. Fransisco Indra Nasimento hasoru malu ho Ministru Juventude Arte no Kultura (MJDAK) Nélio Isaac Sarmento hodi ko’alia koana-ba oinsa Governu no Igreja hamutuk fó fidelidade ba joven timoroan hotu liuhosi orasaun Taize.
Taize orasaun Katóliku foun ida ne’ebé joven timoroan balun ba aprende iha França no joven barak mak reza ona orasaun ne’e ikus mai tarnsforma juventude sira-nia hanoin oinsa besik ba kristu Jesus.
“Enkontru ne’e ko’alia liu kona-ba atividade igreja nian sira hanesan orasaun Taize, tamba hosi orasaun Taize fó fidelidade vida espirituál nian ba joven sira atu banati tuir nafatin igreja nia dutrina”, Padre Francisco dehan liuhosi komunikadu ne’ebé Agência TATOLI asesu hosi media MJDAK, ohin.
Sorumutuk ne’e atu introdús mós kooperasaun Komisaun FOCADIOMA ne’ebé parseria ho Kosellu Nasionál Juventude Timor-Leste (CNJTL) relasiona ho servisu juventude ninian.
“Primeiru mak halo liña kordenasaun entere komisaun ho FOCADIMA no mós Ogranizasaun Mudika Katolika (OMK) Atambua nian, inklui fahe esperiénsia ne’ebé kada komisaun hala’o tiha ona, hosi vizita ida-ne’e mak haree ba joven sira ninia moris maka hanesan karater joven sira nian liuhosi espirituál umana no sosiál ninian”, Pe. Fransisco afirma.
Jornalista: Hortencio Sanchez
Editór : Zezito Silva
