Governu aloka rihun $350 komemora loron proklamasaun independénsia ba dala-48

DILI, 23 outubru 2023 (TATOLI)—Vise Ministru Administrasaun Estatál (MAE), Jacinto Rigoberto, hateten Governu aloka orsamentu rihun $350-resin hodi komemora loron proklamasaun independénsia ba dala-48 (28 novembru 1975-28 novembru 2023) iha tinan ida-ne’e.

Notísia Relevante: Proklamasaun Unilateral Loke Dalan Ukun Rasik An

“Orsamentu ne’ebé ita prepara hela kuaze $350 resin de’it, entaun ami tenta atu programa no atividade sira-ne’e ita halo bazeia ba orsamentu ne’ebé iha. Hosi orsamentu ne’e aloka de’it ba serimónia selebrasaun iha nasioinál no ba munisípiu aloka ketak,” Vise ministru ne’e hateten ba jornalista sira, hafoin enkontru ho ekipa sesaun ba eventu refere, iha salaun Ministériu Negósiu Estranjeiru no Kooperasaun (MNEK), Avenida de Portugál (anterior; Praia dos Coqueiros), segunda ne’e.

Atividade ba komemorasaun loron istóriku ne’e, nia dehan, iha atividade 10 mak sei realiza maibé ida-ne’e kada sesaun mak sei responsabiliza.

“Iha loron proklamasaun ne’ebé realiza iha nasionál ne’e hamutuk 10 maibé ha’u labele temi ida-ida tanba hein kada sesaun mak sei aprezenta inklui ho tema. Kona-ba tema ne’e ita lori ba Konsellu Ministru hodi hetan aprovasaun mak bele anúnsia,” nia hateten.

Tema ne’ebé ekipa konjunta elabora ona hamutuk 10 mak hanesan tuir mai;

1. Hamutuk Hakbiit/Reforsa Independénsia ba Futuru ida di’ak-liu.
2. Inspirasaun ba mudansa pozitivu hodi kontribui no servi nasaun ho povu.
   3. Hamutuk “mehi povu nia mehi ” ba Timor-Leste prósperu ho seguru ba ema hotu.
   4. Aprender com o passado e construir um Timor-Leste forte, próspero e seguro.
3. Comprometidos com a sociedade timorense, para o desenvolvimento nacional e para o progresso e o bem-estar de todos os timorenses, com a participação de todos os timorenses.
4. Todos juntos salvemos o Estado de Direito Democratico para caminharmos com optimismo no senda do progresso, unidos num espirito de responsabilidade, declicação, honestidade, persistência e coragem.
5. Lori fila Timor-Leste ho Timoroan sira ba Dalan Dezenvolvimentu Sustentável, Inovadór ho Dinámiku.
6. Consolidamos a unidade nocional e a paz para promover o desenvolvimento.
7. A união e a luta conjunta, para a vitoria de todos.
8. Unidos consolidamos a paz e a estabilidade para desenvolver um Timor maior e melhor.

“Hosi tema 10 ne’e kada sesaun maiória hili tema númeru haat (4) ne’e maibé ita labele deside iha enkontru ne’e no tema ne’e sei aprezenta iha Konsellu Ministru no hetan aprovasaun,” nia hateten.

Maibé, nia esplika, enkontru preparasaun ne’e importante tebes tanba ohin ne’e ko’alia kona-ba acses pass, tema, ID inklui atividade seluk no komisaun ba loron proklamasaun ne’e maihosi lina ministeriál sira hotu.

Prezidente Komisaun organizadora mak atual Ministru Administrasaun Estatál, Tomás Cabral, Vise ba Komisaun ne’e atuál Ministru Defeza no Vise daruak mak atual MNEK, Bendito dos Santos, Sekretáriu Jerál mak atual Vise MAE, Jacinto Rigoberto, pre-sekratária ida mak atual Vise MNEK, no Sekretáriu ida tan Vise Ministra Finansa.

“Ami na’in neen mak hetan aprovasaun hosi Konsellu Ministru,” nia dehan.

Proklamasaun Independénsia

Iha 28 Novembru 1975, unilateralmente FRETILIN deklara proklamasaun independênsia Timor-Leste nian ba mundu, ho primeiru Prezidente Repúblika mak Francisco Xavier do Amaral no Nicolau Lobato simu kargu hanesan Primeiru-Ministru hodi ikus fali mai, sai mós hanesan primeiru líder Rezistênsia Armada.

Ho nune’e, liu de’it loron 10, iha loron 07 dezembru 1975 balun, Indonézia hahú invade Timor-Leste ho razaun atu proteje nia sidadaun iha Territóriu Timór laran tomak, tanba tauk karik FRETILIN májia rai Timor-Leste sai fatin ba dutrina marxista no lenenista buras.

Jornalista : Osória Marques

Editór      : Cancio Ximenes