STAE observa sentru votasaun Suai-Maucatar tama iha faze kontajen votu
COVALIMA, 28 Outubru 2023 (TATOLI)—Diretór Sekretáriadu Tekniku Administrasaun Eleitorál (STAE) Covalima, Francisco Gusmão, halo observasaun direta ba sentru votasaun iha postu administrativu Suai no postu Maucatar ne’ebe prosesu eleisaun tama ona iha faze kontajen votu.
“Ha’u halo observasaun ba sentru votasaun iha postu administrativu Maucatar no postu administrativu Sua liuliu iha suuku Debos katak prosesu eleisaun tama ona iha faze kontajen votu maibé postu sira seluk seidauk iha informasaun,” Diretór STAE Covalima ne’e hateten ba Agencia Tatoli iha sentru votasaun Tabakolot, sábadu ne’e.
Durante realiza eleisaun, Diretór STAE halo observasaun ba sentru votasaun sira hanesan postu Suai iha eskola sekundária Ave Maria Suai, sentru votasaun eskola Lakonak Babo, iha sede suku Camanasa sentru no votasaun aldeia Fatuisin.
Aleinde observa iha postu Suai, nia mós hala’o observasaun iha sentru votasaun iha postu Maucatar hanesan observa iha sentru votasaun Ila, Lela Holpilat, Nainare no Ogues.
Jornalista : Celestina Teles
Editór : Cancio Ximenes
