COVALIMA, 30 outubru 2023 (TATOLI)—Polísia Nasionál Timor-Leste (PNTL), Munisípiu Covalima la rejista fraude ka krime eleitorál, durante realiza eleisaun lideransa komunitária ne’ebé hala’o iha sábadu (28 outubru 2023) ne’e.
Komandante PNTL Covalima, Superintendente Polísia Calisto Gonzaga, hateten PNTL simu simu protesta hosi eleitór sira, tanba eleitór sira hahú vota iha 09h00 dadeersan no votasaun tenke ramata eleisaun iha tuku 15h00, maibé exeptu ba eleitór sira-ne’ebé forma ona polísia line ne’e eleitór sira kontinua ezerse sira-nia direitu votu to’o ramata.
“Eleitór ne’ebé hato’o protesta ne’ebé PNTL sira identifika mak iha sentru votasaun sira hanesan iha postu administrativu Suai ne’e iha suku Labarai no Suai Loro ne’ebé eleitór vota to’o 19h00 kalan mak foin finaliza no postu Maucatar iha suku Matai,” Superintendente Polísia Calisto Gonzaga hateten ba Agência Tatoli, iha nia kna’ar fatn, Santa Rosa, segunda ne’e
Maske simu protesta husi eleitór-sira maibé parte PNTL halo esplikasaun ba eleitór sira, konsege konvense nune’e eleitór balun la ezerse sira-nia direitu votu.
Durante hala’o prosesu eleisaun iha munisípiu Covalima la’o hakmatek no ajente PNTL destaka iha sentru votasaun ne’ebé STAE kria bazeia ba aldeia iha suku 30 ne’e hamutul iha aldeia 148.
Eleisaun lideransa komunitária ne’ebé hala’o iha suku 30 ne’ebé nia rezultadu eleisaun hatudu katak kandidatu xefe suku na’in-neen (6) mak eleitu iha eleisaun primeira volta maibé suku 24 sei tama iha eleisaun segunda ronda.
Jornalista : Celestina Teles
Editór : Cancio Ximenes
