COVALIMA, POLÍTIKA

Progresu reabilitasaun sede suku 12 iha Covalima atinje ona 78,88%

Progresu reabilitasaun sede suku 12 iha Covalima atinje ona 78,88%

Diretór Interinu PNDS Cavalima, Pedro de Araújo Gomes. Imajen Tatoli/Celestina Teles.

COVALIMA, 08 novembru 2023 (TATOLI)–Programa Nasionál Dezenvolvimentu Suku (PNDS) Covalima, halo reabilitasaun ba sede suku 12 iha faze datoluk ne’e, ninia progresu atinje ona 78,88%.

“Reabilitasaun sede suku 12 ba faze datoluk iha postu administrativu Fohorem, Maucatar no postu Tilomar,” Diretór Interinu Programa Nasionál Dezenvolvimentu Suku (PNDS) Covalima, Pedro de Araújo Gomes, hateten ba Agência Tatoli iha nia kna’ar fatin, kuarta ne’e.

Progresu fíziku reabilitasaun sede suku 12 ratinje ona 78,88%, tanba iha postu administrativu Fohorem ne’ebé reabilita sede suku iha suku Fohorem ne’e, ninia progresu reabilitasaun 63,85%, sede suku Laktos ratinje ona 52,86%, sede suku Dato Rua atinje ona 24,89% no reabilitasaun sede suku Dato Tolu atinje ona 61,04%,

Iha postu administrativu Tilomar, PNDS Covalima halo reabilitasaun ba sede suku Maudemo ne’e ninia progresu atinje ona 100%, sede suku Beiseuk atinje 93,43%, sede suku Casabauk atinje ona 86,05% no sede suku Lalawa atinje ona 94.43%.

Iha postu administrativu Maucatar, PNDS Covalima reabilita sede suku Holpilat ne’e ninia progresu atinje ona 80%, sede suku Ogues atinje ona 90%, sede suku Matai atinjie 100% no sede suku Belekasakninia ninia progresu atinje ona 100%.

PNDS Covalima implementa programa reabilitasaun sede suku iha faze dahuluk konklui ona iha suku 18, faze daruak iha suku ualu (8) no ba faze datoluk halo reabilitasaun sede suku 12 ne’ebé implementa iha postu Maucatar, Tilomar no Fohorem.

Orsamentu rabilitasaun sede suku 12 ne’ebé implementa iha postu administrativu Fohorem, Tilomar no Maucatar ne’e transferidu ona, hamutuk $144,000.00 no hosi orsamentu ne’e kada sede suku $12,000.00.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!