DILI, 09 novembru 2023 (TATOLI) – Vise Ministru Saúde Fortalesementu Instituisionál Saúde, José dos Reis Magno, hateten Ministériu Saúde (MS), iha 2024, sei fó atensaun ba rekursu umanu sira iha área remota.
“Ami rekoñese katak daudaun ne’e ita menus rekursu umanus iha territóriu nasionál tanba ne’e iha 2024 ita sei atensaun ba profisionál saúde sira iha área remotas”, José Magno informa iha salaun MS Caicoli, ohin.
Nia subliña, MS tau atensaun iha área remota tanba populasaun maioria hela iha ne’eba ho ida-ne’e mak ba oin sei aumenta tan rekursu umanu.
“Ita sei tau pesoál saúde sira, kada fasilidade ema na’in hitu, hodi hala’o atendimentu saúde ba populasaun sira tanba ne’e ba oin ita sei aumenta”, nia afirma.
Jornalista : Felicidade Ximenes
Editór : Zezito Silva