DILI, KAPITÁL

Funsionáriu AMD na’in-rua konklui ona formasaun jardineiru iha Portugál

Funsionáriu AMD na’in-rua konklui ona formasaun jardineiru iha Portugál

Ambiente Jardin 05 de Maio Colmera, Dili, tersa (27/06). Imajen Tatoli/Francisco Sony.

DILI, 09 novembru 2023 (TATOLI)—Prezidente Autoridade Munisípiu Díli (AMD), Guilhermina Filomena Saldanha Ribeiro, hateten funsionáriu AMD na’in-rua konklui ona tuir formasaun kona-ba jardineiru iha téknika kuda no trata aifunan iha jardin.

Notísia Relevante: AMD sei haruka tékniku jardinazen-jestaun semitériu ba Portugál

Antes ne’e, jardineiru na’in-rua ne’e tuir ona formasaun iha portugál iha fulan-setembru 2023 liuba no fila ona mai Timor-Leste.

“Formasaun ne’e oinsá ita atu hadi’a ita-nia jardin. Ita-nia jardin iha oinsá sira atu asegura no halo. Sira aprende tékniku halo jardin no tratamentu jardin bele matak hela de’it,” Prezidente AMD, Guilhermina Filomena Saldanha Ribeiro, hateten ba Agência Tatoli, kinta ne’e.

Guilhermina Filomena Saldanha Ribeiro hateten jardineiru sira agora halo hela estudu ida atu hare aifunan ne’ebé bele kuda jardin sira iha kapitál.

“Aifunan sira hanesan sura-tahan ne’e funan durante tinan tomak, entaun buar sira-ne’e tenke hare hodi bele kuda iha jardin sira iha capital,” nia hateten.

Prezidente AMD ne’e esplika Timor tenke konsidera mós iha bailoron durante fulan ne’en, tanba la hanesan ho Portugaá ho fulan tolu de’it.

Tuir nia, tékniku ida hosi Portugál sei mai tan hodi komesa implementa ba prátika kuda aifunan iha jardin hamutuk ho ekipa timoroan sira.

Nia garante jardin katak bele implementa iha munispiu seluk, se presiza ajuda atu fahe esperiénsia iha tinan oin mai.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!