iklan

NASIONÁL, DILI, SOSIEDADE SIVĺL

OXFAM-APFTL hala’o kampaña nasionál ba importánsia prezervasaun ambiente

OXFAM-APFTL hala’o kampaña nasionál ba importánsia prezervasaun ambiente

Alumni Parlamentu FoinSa’e Timor-Leste (APFTL) no OXFAM, realiza kompetisaun pintura iha ámbitu kampaña nasionál ba importansia hosi prezervasaun ambiente hodi mitiga mudansa klimátika, iha Largo Lecidere Dili, kinta (09/11). Imajen Tatoli/Francisco Sony

DILI, 09 novembru 2023 (TATOLI) — Organizasaun Naun Governamentál OXFAM Internasionál iha Timor-Leste no Alumni Parlamentu Foinsa’e Timor-Leste (APFTL), hala’o atividade marxa amibientál atu konsensializa sidadaun hotu atubele kuida ambiente no ai-horis iha Timor-Leste.

Objetivu husi marxa ambiental ne’e mos atu komemora loron nasionál juventude 12 novembru ne’ebé joven sira sakrifika aan nia vida ba rai ida ne’e. Nune’e iha faze ukun-aan ne’e joven sira bele fó kontribuisaun liuhusi kuida ambiental, ekonómiku no área sira seluk

Alumni Parlamentu FoinSa’e Timor-Leste (APFTL) no OXFAM, realiza kompetisaun pintura iha ámbitu kampaña nasionál ba importánsia hosi prezervasaun ambiente hodi mitiga mudansa klimátika, iha Largo Lecidere Dili, kinta (09/11). Imajen Tatoli/Francisco Sony

Iha ambitu marxa ambientál ne’e mós joven artezanatu sira mós hala’o pintura kona-ba imajen ambientál, klima, rai no ai-horis no aprezentasaun múzika iha Largo-Lecidere-Dili.

“Eventu ne’e importante atu ema hotu bele konsiente katak problema krize klimátika ne’e iha impaktu ba ema nia moris loron-loron”, heteten reprezentante OXFAM, Aleixo da Costa, iha Largo Lecidere.

Iha fatin hanesan, Alumni Parlamentu Foinsa’e Timor-Leste (APFTL), Krisia Sousa, konsidera eventu ne’e atu fanu ema hotu, tanba ita nia nasaun enfrenta mudansa klimátika, maske iha grupu timoroan ne’ebé hadomi ambiente. Maibé tenki fó nafatin advokásia maka’as.

“Agora ita komesa senti rai manas, bai-loron naruk tanba ne’e mak hakarak fó hanoin ba sosiedade hodi fó importansia ba alterasaun klimátika”, nia afirma.

Entretantu, Prezidente Alumni Parlamentu Foinsa’e Timor-Leste (APFTL), Jaulino Gomes da Silva, hateten ema hotu preokupa ho situasaun mudansa klimátika iha mundu, tanba bai-loron naruk, nune’e joven sira hatudu pintura hodi refleta situasaun mudansa klimátika.

“Expozisaun pintura atu expresa ambiente saudável ba ema atu haree. Parlamentu Foinsa’e iha atividade barak kona-ba oinsá konsensializa no kuida ambientál”, katak nia.

Jornalista: Jesuína Xavier

Editór       : Florencio Miranda Ximenes

iklan
iklan

Leave a Reply

iklan
error: Content is protected !!