Klamar Fuik sei partisipa reuniaun Ministru Defeza ASEAN iha Indonézia
DILI, 09 novembru 2023 (TATOLI) – Ministru Defeza Timor-Leste, Donaciano Costa Gomes Pedro ‘Klamar Fuik’ sei partisipa iha enkontru entre Ministru Defeza Nasaun Sudeste Aziátiku (ASEAN, sigla ingés) bad ala-17, iha 15 novembru, iha Jakarta Indonézia.
“Ministru Defeza Timor-Leste Donaciano Costa Gomes Pedro ‘Klamar Fuik’ sei partisipa enkontru altu nivél entre Ministru Defeza ASEAN nian ba dala-17 ne’ebé sei hala’o iha 15 novembru tinan ne’e iha Jakarta Indonézia”, hateten hosi komunikadu ne’ebé TATOLI asesu, sesta ne’e.
Iha nota informativa ne’e sita katak tuir ajenda, enkontru entre Ministru Defeza ASEAN nian ba dala-17 ne’ebé halao iha Jakarta sei aprova estatutu partisipasaun Ministru Defeza Timor-Leste nudar membru observadór ne’ebé mak partipasaun iha enkontru altu nivél atu, atu fó biban ba Ministru Defeza Donaciano Costa Gomes Pedro ‘Klamar Fuik’ hodi halo nia intervensaun iha enkontru entre Ministru Defeza ASEAN nian ba dala-17.
Tuir ajenda Klamar Fuik katak sei hato’o nia intervensaun kona-ba kestaun defeza iha rejiaun Sudeste Aziátku nian.
Aleinde ida-ne’e, ‘Klamar Fuik sei halo enkontru bilaterál ho Ministru Defeza Indonézia Prabowo Subianto no Ministru Defeza Laos, iha loron 16 novembru, hafoin ida-ne’e Klamar Fuik sei partisipa iha Gala Dinner iha Ballroom Hotel Mulia.
Tuir ajenda, iha 17 novembru, Ministru Defeza ho nian delegasaun sira sei partisipa serimónia kulturál ne’ebé halao iha taman mini Indonézia.
Jornalista: Natalino Costa
Editór : Zezito Silva
