COVALIMA, ELEISAUN

STAE aluga viatura 18 transporta materiál eleisaun segunda ronda

STAE aluga viatura 18 transporta materiál eleisaun segunda ronda

Diretór STAE munisípiu Covalima, Francisco Gusmão. Imajen Tatoli/ Celestina Teles.

COVALIMA, 10 novembru 2023 (TATOLI)–Diretór Sekretáriadu Tékniku Administrasaun Eleitorál (STAE) Covalima, Francisco Gusmão, hateten iha eleisaun suku ba segunda ronda ne’e STAE aluga viatura 18 atu transporta materiál eleisaun suku ba sentru votasaun.

“Viatura Estadu iha Covalima la sufisénte atu transporta materiál eleisaun ba sentru votasaun sira, nune’e ita kontinua aluga viatura 18 atu transporta materiál eleisaun suku ba eleisaun segunda volta,” Diretór STAE Covalima ne’e hateten ba Agência Tatoli, iha nia kna’ar fatin, Kampung Baru, sesta ne’e.

Nia hateten, tanba simu lamentasaun hosi pesoál seguransa balun fó seguransa loron ida no balun loron rua, tanba ne’e mak distribuisaun materiál eleisaun ba segunda volta ne’e hala’o iha ida de’it ne’ebé sei hala’o iha 12 novembru 2023.

Totál orsamentu atu aluga viatura 18 hamutuk $6,480 no ba kada viatura ida aluga durante loron tolu ne’ebé sei selu kustu $360.00, tanba kada kareta loron ida sei aluga ho osan $120.00.

Razaun STAE aluga viatura 18 atu transporta materiál eleisaun ba sentru votasaun, tanba STAE identifika viatura Estadu la sufisiénte ho viatura hamutuk 24, no hosi númeru ne’e viatura hosi STAE tolu de’it.

Iha eleisaun suku segunda ronda ne’e, STAE Covalima kria sentru votasaun 123, tanba foin lalais rezultadu eleisaun suku primeira volta suku neen (6) la tama iha eleisaun segunda volta. nune’e STAE la kria tan sentru votasaun iha suku Debos, Laktos, Dato Tolu, Mape, Usecai no Zulo.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!