DEFEZA, HEADLINE

MD sei aprezenta kestaun rua iha Reuniaun Ministru Defeza ASEAN iha Jakarta

MD sei aprezenta kestaun rua iha Reuniaun Ministru Defeza ASEAN iha Jakarta

Ministru Defeza, Donaciano Costa Gomes “Pedro Klamar Fuik”. Imajen Tatoli/Francisco Sony

BALI, 13 novembru 2023 (TATOLI) – Ministru Defeza Donanciano Costa ‘Pedro Klamar Fuik’ sei aprezenta kestaun importante rua iha ámbitu reuniaun altu nivél Ministru ASEAN ba dala -17 iha Jakarta no enkontru ministru plus one (+1) ASEAN ba dala-10 ne’ebé sei hala’o iha Jakarta Indonézia, hahú iha 15 to’o 16 fulan ne’e.

“Iha enkontru altu nivél ne’e, Sekretáriu Jerál ASEAN husu Ministru Defeza Timor-Leste hodi bele hato’o liafuan ruma iha enkontru altu nivel ne’e. Tanba ne’e Ministru Defeza Timor-Leste sei iha kestaun rua importante, ida mak hato’o prioridade polítika IX Governu nian ne’ebé liga ba polítika externa Timor-Leste adesaun ba ASEAN ne’ebé define ona iha kalendáriu  no kestaun daruak mak Timor-Leste hanesan nasaun observadór saida mak Timor-Leste bele kontribui ba ASEAN liga ba seguransa rejionál”, nia adianta.

Nia dehan, enkontru altu nivel ida-ne’e importante tanba primeira-vez envolve Ministru Defeza Timor-Leste iha enkontru entre Ministru Defeza ASEAN no mós enkontru altu nivél partisipasaun Timor-Leste nian iha enkontru Ministru ASEAN plus one no estatutu Timor-Leste iha enkontru ne’e mak hanesan nasaun observadór.

“Ohin Ministru Defeza Timor-Leste desloka ba Jakarta atu partisipa enkontru entre Ministru Defeza ASEAN ba dala-17 no enkontru altu nivél ministru ASEAN plus one, enkontru ida-ne’e pela primeira-véz Ministru Defeza Timor-Leste partipa hanesan nasaun ho estatutu observadór”, Donanciano Costa hateten ba jornalista sira iha Bali, segunda ne’e.

Klamar Fuik konsidera enkontru altu Nivél ASEAN rua ne’e importante ba Timor-Leste tanba Timor-Leste bele aprende esperiénsia nasaun ASEAN nian.

“Timor-Leste hanesan observadór sei rona hodi bele aprende tan saida mak ASEAN nian dinámika polítika iha area seguransa, atu Timor-Leste bele kontribui”, nia konklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!