COVALIMA, ELEISAUN

Leonito Gusmão reeleitu lidera Belekasak ho votu 645

Leonito Gusmão reeleitu lidera Belekasak ho votu 645

COVALIMA, 14 novembru 2023 (TATOLI)–Atuál xefe suku Belekasak, Leonito Gusmão, reeleitu hodi lidera suku Belekasak, postu administrativu Maucatar, munisípiu Covalima iha periódu 2023-2030 iha eleisaun suku segunda ronda ne’ebé realiza iha 13 novembru 2023.

Notísia Relevante: Ohin, Timor-Leste realiza eleisaun suku segunda ronda

Leonito Gusmão kontinua lidera suku Belekasak ho votu 645 no kandidatu seluk fnaran Alvaro de Andrade ne’e hetan votu 573, hosi totál votu validu 1.218, branku ida (1) no nulu neen (6).

“Bazeia ba rezultadu eleisaun suku segunda volta, povu kontinua fó fiar nafatin mai ha’u. Ha’u sei fó prióridade ba programa infraestrutura bázika,” Xefe suku reeleitu, Leonito Gusmão hateten ba jornalista sira iha resintu AMC, Sukaer Laran, tersa-ne’e.

Programa prióridade infraestruta bázika, nia hateten, atu hadi’a estrada no dada eletrisidade ba komunidade.

Nia hateten, iha suku Belekasak ne’e komunidade 75% asesu ona bee-moos maibé komunidade iha aldeia Ila mak seidauk asesu bee-moos. Maibé nia parte haruka ona proposta ba nasionál atu haree kestaun ne’e maib’e to’o agora seidauk iha rezulatdu.

Suku Belekasak iha aldeia Busadao, Gazolo, Loloba, Lolowa, Du’ut, Ila no Dais, ho nia populasaun hamutuk 3.579 no ho xefe família 818.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!