iklan

BOBONARO, ELEISAUN, MUNISÍPIU

 PNTL Bobonaro detein ema na’in-rua kontra regra eleisaun

 PNTL Bobonaro detein ema na’in-rua kontra regra eleisaun

Komandante PNTL Munisípiu Bobonaro, Superintendente Xefe Polísia António Maria de Sá imajen Tatoli/Sérgio da Cruz.

BOBONARO, 14 novembru 2023 (TATOLI) – Polísia Nasionál Timor-Leste (PNTL) Munisípiu Bobonaro, detein ema na’in-rua ne’ebé tenta perturba prosesu eleisaun suku segunda volta (13/11) ne’e, tanba konsidera  aktu refere kontra regra eleisaun.

Asuntu ne’e relata hosi Komandante PNTL Munisípiu Bobonaro, Superitendente Xefe António de Sá, hafoin hamutuk ho Unidade Batallaun Orden Públika, Unidade Patrullamentu Fronteira no FALINTIL-Forsa Defeza Timor-Leste destakamentu Postu Tunubibi halo avaliasaun servisu forsa rua nian ne’ebé la’o durante eleisaun xefe suku primeira volta to’o segunda volta.

“Horikalan iha suku Manapa nian iha innsidente oituan, kuandu prosesu kontajen hotu tiha, iha provokasaun, maibé ita atua kedas la rezulta ema kanek. Ha’u rasik tún ba terrenu, ho Forsa Tunubibi nian, entaun ita kaptura autór ne’e detein ona 72 horas, ita konsidera envolve iha krime eleitorál, tanba iha hela ámbitu eleisaun ninian, ita prende mos instrumentu balu, arma branka, fiska inklui katana balu, ita prende iha lokál krime, ita paraliza kedas situasaun,” nia informa ba jornalista sira iha Maliana, tersa ne’e.

Alende ne’e iha suku Atabae, postu administrativu Atabae mós PNTL detein individu balu ne’ebé tenta perturba prosesu eleisaun iha sentru votasaun.

“Komandu orienta kedas eskuadra Atabae, ita konsege kaer, agora daudaun iha hela sela laran, atu kontinua prosesu ba iha Ministériu Públiku,” nia informa.

Jornalista: Sergio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!