DILI, 15 novembru 2023 (TATOLI) – Autoridade Portuáriu Timor-Leste, Institutu Públiku (APORTIL,I.P,) hosi jullu to’o outubru arrekada reseita rihun $294 ba kofre Estadu.
“Iha períodu Nono Governu hosi jullu to’o outubru, ami arrekada ona reseita rihun $294 ba kofre Estadu”, relata Prezidente APORTIL,I.P, Feliciano da Costa Correia, ba Agencia TATOLI iha Portu Tíbar, kuarta ne’e.
Hosi totál reseita ne’e, APORTIL rekolla reseita media operasaun husi ró Berlin Nakroma hamutuk rihun $35. Maske kontentór bo’ot sira ba hotu portu Tibar, maibe APORTIL kontinua hatama reseita ba kofre Estadu.
“Ita iha nafatin rekolla reseita lubuk ida husi atividade lubuk ida liuliu ba iha armazein kobertu no deskobertu, ró ahi naun solár no sira ne’ebe tula iha área jurídika ita nian, fornesimentu bee ba ró ahi no operasaun ró Berlin Nakroman”, nia afirma.
Prezidente APORTIL informa mós rekolla reseita mós hosi importasaun mina ba iha área Hera nian no kapitál ba pertaminan sira hosi ró pasajeiru.
Jornalista: Jesuína Xavier
Editór : Florencio Miranda Ximenes
