COVALIMA, 15 novembru 2023 (TATOLI)–Diretór Servisu Saúde munisípiu Covalima, Maria Fátima Moniz, hateten Servisu Saúde Covalima rejista pesoál saúde ne’ebé hala’o servisu iha postu saúde 24 no sentru saúde hitu (7) iha munisípiu Covalima ne’e hamutuk-331.
“Pesoál saúde ne’ebé servisu iha fasilidade saúde ne’e, kompostu hosi pesoál saúde permanente na’in-188 no pesoál saúde kontratadu na’in-143,” Maria Fátima Moniz hateten ba jornalista-sira iha nia kna’ar fatin, Ladi, kuarta ne’e.
Pesoál Saúde sira-ne’ebé servisu saúde munisípiu Covalima destaka ba sentru saúde komunitária Fatumea hamutuk 22, hpso númeru ne’e pesoál saúde ne’ebé servisu iha sentru saúde hamutuk 16, postu saúde Alas Tehen na’in-tolu (3) no postu saúde Nanu na’in-tolu (3).
Iha sentru saúde Fohorem hamutuk na’in-35 no hosi númeru ne’e pesoál saúde ne’ebé servisu iha sentru saúde Fohorem hamutuk-20, iha postu saúde Dato Rua iha na’in-lima (5), postu saúde Dato Tolu na’in-neen (6) no postu saúde Laktos na’in-haat (4).
Iha postu administrativu Fatululik ne’e iha pesoál saúde hamutuk 22 maibé hosi númeru ne’e pesoál saúde ne’ebé servisu iha postu saúde Fatululik hamutuk na’in-16 no postu saúde Beidasi hamutuk na’in-neen (6).
Pesoál saúde ne’ebé destaka iha Sentru Saúde Maucatar hamutuk na’in-38, hosi númeru ne’e pesoál saúde ne’ebé servisu iha Sentru Saúde hamutuk-18 no pesoál saúde ne’ebé destaka iha postu saúde Ogues na’in-hitu (7), postu saúde Matai na’in-sia (9) no postu saúde Has Ain nain haat (4).
Pesoál Saúde ne’ebé destaka iha postu administrativu Tilomar hamutuk 44, hosi númeru ne’e pesoál saúde ne’ebé servisu iha sentru saúde Tilomar hamutuk na’in-27, postu saúde Foho Lulik na’in-lima (5), postu saúde Lalawa haat (4) no postu saúde Wetaba na’in-ualu (8).
Pesoál Saúde ne’ebé destaka iha postu administrativu Zumalai hamutuk 43, hosi númeru ne’e pesoál saúde ne’ebé servisu iha sentru saúde Zumalai na’in-25 ne’ebé destaka ba postu saúde Lepo na’in-tolu (3), postu saúde Bulu na’in-rua (2), postu saúde Fatuleto na’in-tolu (3), postu saúde Caicoli na’in-haat (4) no iha postu saúde Beilaku na’in-tolu (3).
Iha postu administrativu Suai hamutuk 76, no hosi númeru ne’e pesoál saúde ne’ebé servisu iha sentru saúde Suai hamutuk 33, iha postu saúde Beco na’in-11, postu saúde Labarai na’in-hitu (7), postu saúde Sanfuk na’in-hitu (7), postu saúde Suai Loro na’in-hitu (7) no postu saúde Lakonak na’in-hitu (7).
Jornalista : Celestina Teles
Editór : Cancio Ximenes
