iklan

HEADLINE, SAÚDE

2024: MS sei harii ospitál andar sia iha Lahane

2024: MS sei harii ospitál andar sia iha Lahane

Logo ministeriu saude

DILI, 16 novembru 2023 (TATOLI) – Diretór Jerál Unidade Projetu iha Ministériu Saúde, Vitor Soares Martins, dehan iha 2024, ministériu sei harii ospitál andar sia iha Antonio Carvalho Lahane.

“Ami atu informa katak ministériu sei harii ospitál andar sia iha Antonio Carvalho Lahane no orsamentu sira ne’e sei mai husi Orsamentu Jerál Estadu 2024 nian”, Vitor Soares Martins, hateten iha nia kna’ar fatin Caicoli, ohin.

Nia informa, konstrusaun edifísiu ne’e atu hamenus transferénsia ba tratamentu saúde pasiente sira nian iha rai liur.

“Espesializada sira ne’ebé ita atu tau ne’eba mak kardiaku no hemodialize tanba ita hotu hatene katak to’o agora funsaun ida-ne’e hala’o hela iha Hospitál Nasionál Guido valadares, entaun tuir orientasaun ami-nia katak Governu trata asuntu ida-ne atu bele fó espasu ne’ebé di’ak iha Antonio Carvalho Lahane”, nia afirma.

Nia haktuir, sentru kardiaku no fatin hemodialize tenke ba hotu Lahane, entaun hanesan ekipa tékniku halo ona  prosesu preparasaun hodi halo submisaun ba parte ADN atu halo verifikasaun ba dezeñu sira, espera katak 2024, MS iha orsamentu atu bele hahú ona konstrusaun ida-ne’e.

“Ita-nia tékniku sira halo ona preparasaun hodi halo submisaun ba parte ADN atu halo verifikasaun ba dezeñu sira, espera 2024 ita bele halo konstrusaun”, nia adianta.

Nia esplika, kona-ba prosesu kontrusaun sentru kardiaku bazeia ba orinetasaun Vise Ministru Ospitalár katak ekipa halo hela prosesu konkursu públiku atu bele haree vensedór ka kompaña ida ne’ebé mak atu manan hodi halo instalasaun sentru kardiaku.

Ekipa verifikadór sira iha tempu badak sei ba vizita kompaña sira husi nasaun Singapura, Indonézia no Malasya atu haree ezisténsia no kondisaun sira ne’ebé mak sira relata atu ikus bele hetan vensedór ba instalasuan ba sentru kardikau no ekipamentu cutlap nian.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!