COVALIMA, HEADLINE, INKLUZAUN SOSIÁL

Apoia nesesidade bázika ba KDESTO Covalima bele hakmaan sira-nian difikuldade

Apoia nesesidade bázika ba KDESTO Covalima bele hakmaan sira-nian difikuldade

Asesór Prinsipál Unidade Inkluzaun Sosiál apoia nesesidade bázika ba funsionáriu KDESTO iha Covalima. Imajen, Tatoli/ Celestina Teles.

COVALIMA, 16 novembru 202a3 (TATOLI) – Prezidénsia Repúblika (PR) disponibiliza nesesidade bázika ba organizasaun Klibur Dezenvolvimentu Sustentavél Timor-oan (KDESTO) iha Covalima hodi hakmaan ema ho defisiénsia sira-nian difikuldade.

Apoia husi PR ne’e tanba haree ba situasaun agora nesesidade bázika folin sa’e iha merkadu, hanesan foos no daudaun tama iha tempu bailoro naruk.

“Ema ho defisiénsia nia família barak maka la serbisu no la hetan rendimentu, entaun presiza apoia fulan-fulan ba sira”, Asesór Prinsipál Unidade Inkluzasaun Sosiál, Gaspar Afonso, hatete iha Bairru Costa, Covalima, ohin.

Nesesidade bázika ne’e mak foos ho marka Gostu Los karón lima, ikan globus dos ida bimoli masa boot kaixa ida, rinso dos ida, masin-midar no seluk tan.

“Xefe Estadu iha kompromisu boot atu tau-matan ba ema ho defisiénsia. Ita mai fó apoia ba organizasaun KDESTO Covalima hodi halo jestaun no fahe ba nia membru-sira”, Gaspar Afonso dehan.

Membru KDESTO Alzira Amarál de Araújo sente satisfeita ho PR tanba tulun ona nesesidade bázika ba sira, nune’e bele hafasil sira-nian difikuldade ne’ebé hasoru loroloron.

“Apoia nesesidade bázika ba ami hodi bele hala’o ami-nian atividade loroloron iha organizasaun KDESTO no bele hafasil difikuldade ne’ebe ami iha”, reitera.

Tuir dadus, KDESTO Covalima iha membru hamutuk 290 no funsionáriu ne’ebé serbisu iha organizasaun ne’e hamutuk na’in-10.

Jornalista: Celestina Teles

Editora: Maria Auxiliadora  

iklan
iklan

Leave a Reply

iklan
error: Content is protected !!