iklan

NASIONÁL, DILI, HEADLINE, KAPITÁL

Dada bee ilegál, BTL,E.P tesi kotu kanu ba uma-kain 500 

Dada bee ilegál, BTL,E.P tesi kotu kanu ba uma-kain 500 

Imajen/BTL.

DILI, 21 novembru 2023 (TATOLI) – Diretór Operasionál no Manutensaun Bee Timor-Leste Empreza Públika (BTL,E.P), Aleixo dos Santos, relata konsege tesi kotu kanu uma-kain 500 iha kapitál-Dili tanba dada bee moos ilegál.

“Kanalizasaun direta ka ilegál ne’ebé ami tesi ne’e, hahú hosi janeiru to’o outubru, hamutuk uma-kain 500. Hafoin tesi kotu haruka sira mai rejistu fali iha BTL atubele ba dada bee no tau kontadór”, hateten Diretór ne’e ba Agência TATOLI iha Caicoli.

Ho ilegasaun ilegál hirak ne’e. nia husu ba komunidade iha kapitál Dili atu labele dada direita hosi kanu distribuisaun tanba fó impaktu ba komunidade sira seluk la hetan bee moos.

“Ami BTL, E.P nia ekipa fó avizu ba ita nia populasaun hodi bele mai rejistu hodi ekipa ba dada no husu labele dada ilegál”, nia fó hanoin.

Daudaun ne’e, ekipa BTL diretamente ba iha kada zona hodi informa populasaun atubele mai halo rejistu, nune’e populasaun bele asesu bee liuhosi kanalizasaun ka monta kontadór.

Tanba, poupa bee sei salva ema seluk nia vida tanba bee ne’ebé populasaun estraga bele fornese ba ema seluk.

“Husu ba populasaun atu bele iha konsiénsia ba utilizasaun bee hodi, nune’e ema bele hetan bee kanalizada husi BTL”, katak nia.

Notísia relevante:  JICA apoia BTL hadi’a sistema kanalizasaun bee moos iha Dili

Jornalista: Jesuína Xavier

Editór       : Florencio Miranda Ximenes

iklan
iklan

Leave a Reply

iklan
error: Content is protected !!