DILI, 22 novembru 2023 (TATOLI)—Primeiru-Ministru (PM), Kay Rala Xanana Gusmão, hateten Governu prepara hela atu lori proposta Orsamentu Jerál Estadu (OJE) 2024 ba iha Parlamentu Nasionál (PN) iha tempu badak.
Notísia Relevante: Governu aprova proposta OJE 2024 billaun $1.95
“Ami aprova tiha ona orsamentu (proposta Orsamentu Jerál Estadu OJE ba tinan 2024), ami sei prepara atu haruka ba Parlamentu,” PM Xanana hateten iha edifísiu Komisaun Funsaun Públika (KFP), Matadoru, kuarta ne’e.
Xefe Governu ne’e hateten, iha tinan oin nia parte sei la’o haleu territóriu hodi haree implementasaun planu hosi ministru no sekretáriu Estadu sira-ne’ebé prevee iha proposta OJE 2024.
“Ministru sira mak ne’e hotu. Ami aprova tiha ona orsamentu, sei prepara atu haruka ba Parlamentu. Ha’u dehan tiha ona ba Ministru sira, tinan oin mai ne’e, hau sei la’o haleu Timor hodi hare imi-nia planu ne’ebé imi halo ne’e halo duni ka lae, tanba imi serbi. Mai para serbi la’ós mai atu simu osan sai minstru,” nia hateten
Jornalista : Nelson de Sousa
Editór : Cancio Ximenes
