iklan

DEFEZA, HEADLINE

Falur: Ró klase protetór ida sei lansa iha tempu badak, seluk sei konstrui

Falur: Ró klase protetór ida sei lansa iha tempu badak, seluk sei konstrui

Xefe Estadu Maiór Jenerál F-FDTL Tenente Jenerál, Domingos Raul Falur Rate Laek, akompaña hosi segudu koordenadór Komisaun Rekrutamentu kandidatu rejime espesiál F-FDTL 2023 Koronel Alberto Pereira dos Santos, hala’o observasaun ba rekrutadu sira hamutuk 208 ne’ebé selesionadu iha selesaun dokumentu no ohin hahú submete ba teste iha faze saúde nian, halo iha Sentru Instrusaun Komandante Nicolau Lobato Metinaro, sesta (24/11) ne’e. Imajen Tatoli/Natalino Costa

DILI, 24 novembru 2023(TATOLI) – Xefe Estadu Maior Jenerál F-FDTL Tenente Jenerál, Domingos Raul Falur Rate Laek, hateten ró patrollu ho klase protetór rua, ida nia prosesu konstrusaun konkluidu no sei lansa iha novembru no ida seluk sei iha prosesu konstrusaun. Ró rua ne’e apoiu hosi Governu Austrália.

Xefe Estadu Maór F-FDTL, Falur Rate Laek sei delaga Xefe Estadu Maíór F-FDTL Brigadeiro José da Costa ‘Trix’ hodi reprezenta nia hanesan Xefe Estadu Maiór Jenerál F-FDTL atu partisipa iha serimónia lansamentu ró patrollu ho klasse-protetór ida hodi husik ona ba tasi.

“Loloos ne’e aban ha’u mak ba hodi halo lasamentu ida-ne’e. Maibé ha’u hakerek ona karta ba Jenerál Cambel hanesan Xefe Forsa Armada Austrália, ha’u husu deskulpa ba nia katak ha’u nia  Xefe Estadu mak bá hodi ba halo lansamentu dahuluk ba ró hodi hatún ba tasi”, Falur Rate Laek hateten ba jornalista sira hafoin halo observasaun ba teste saúde ba kandidatu rekrutamentu F-FDTL ba rejime espesiál 2023, sesta-feira ne’e iha Sentru Instrusaun Komandante Nicolau Lobato, Metinaro.

Nia dehan, Brigadeiro José da Costa ‘Trix’ nia estadia iha Austrália sei iha mós ajenda seluk hodi halo enkontru bilaterál balun ho Governu Austrália.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!