iklan

DEFEZA, HEADLINE

 Komandu F-FDTL halo teste médiku ba kandidatu rejime espesiál 208

 Komandu F-FDTL halo teste médiku ba kandidatu rejime espesiál 208

Vise Xefe Estadu Maior General das FFDTL, Brigaderu Domingos Raul alias Falur Rate Laek.Imajen/Antonio Goncalves

DILI, 24 novembru 2023(TATOLI) – Komandandu FALINTIL-Forsa Defeza Timor-Leste (F-FDT)  halo ona teste médiku ba rekrutamentu rejime espesiál F-FDTL 2023, hamutuk 208 iha sentru instrusaun Komandante Nicolau Lobato Metinaro.

Iha teste médiku ne’e, hahú ho teste X-Ray, haree kandidatu sira nia ruin, teste urina, teste matan, tilun, fuan no psikotest.

Xefe Estadu Maiór Jenerál FDTL Tenente Jenerál, Domingos Raul Falur Rate Laek husu ba komisaun rekrutamentu ba rejime espesiál F-FDTL 2023, tenke halo servisu ho di’ak atu bele atinje númeru ne’ebé Komandu F-FDTL hakarak.

Falur hateten, Komandu nian alvu ba rekrutamentu rejime espesiál F-FDTL tinan ne’e mak 87 tanba ne’e Komandu F-FDTL hakarak atinje metas ida-ne’e no labele menús hosi ne’e no labele liu ida-ne’e.

“Ha’u hakarak hato’o ba sira katak númeru efetivu mak tenke to’o. Ha’u tauk mak teste hotu mak la to’o 87”, Falur Rate Laek hateten ba jornalista sira hafoin halo observasaun teste saúde ba kadidatu rekrutamentu rejime espesiál 2023, sesta ne’e, iha Sentru Instrusaun Komandante Nicolau Lobato, Metinaro sesta ne’e.

Falur hateten, prosesu rekurtamentu ba rejime espesiál F-FDTL tinan 2023 la’o tuir prosedimentu ne’ebé Komisaun Rekrutamentu Estabelese ona tanba ne’e iha rekurtamentu ne’e la iha intervensaun no rekomendasaun ruma.

“Iha ne’e la iha intervensaun, la iha atu  halo rekomendasaun, ida- ne’e la iha. Kritériu ne’ebé mak estabelese iha rekrutamentu ne’e tuir sistema ne’ebé mak modernu. Ha’u hanoin sistema ida-ne’e foun, ita atu jere para moderniza instituisaun ne’ebé iha no instituisaun ne’e presiza halo buat ida tenke iha transparánsia”, nia adianta.

Antes ne’e, iha aplikante  hamutuk 2.553 mak konkore maibé iha prosesu selesaun ba dokumentu Komisaun Rekurtamentu rejime espesiál F-FDTL 2023  fó sai kandidatu hamutuk 208 mak liu iha selesaun.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!