iklan

NASIONÁL, DILI, HEADLINE, SOSIEDADE SIVĺL

FHT realiza kompetisaun iha área ICT ba estudante universitáriu no sekundária

FHT realiza kompetisaun iha área ICT ba estudante universitáriu no sekundária

Diretór Ezekutivu FHT, Abrão Moneiro. Imajen Tatoli/Arminda Fonseca

DILI, 27 novembru 2023 (TATOLI) – Fundasaun Hadomi Timor (FHT), koopera ho Ministériu Juventude Arte no Kultura (MJDAK), hodi realiza kompetisaun iha área Informatika, Komunikasaun no teknolojia (ICT,sigla Inglés) ba estudante universitaria no sekundaria ho titulu “Kria Sistema Jestaun Utilizasaun Kampu Desportu iha MJDAC”.

Objetivu prinsipál mak atu dezenvolve no promove kreatividade foinsa’e sira, liuliu estudante universitáriu sira husi Departementu Informatika ka Departementu relevante ne’ebé iha hela prosesu estudu.

“Atu dijitaliza sistema manuál ba utilizasaun kampu desportu ne’ebé Governu iha. Se ema hakarak booking kampu footstall, football no volleyball bele liuhusi dijitalizasaun”, Diretór Ezekutivu FHT, Abrão Monteiro, hateten ba Agência TATOLI iha Farol-Dili.

Eventu ne’e fó oportunidade ba juven kreativu atu utuliza idea no solusaun inovativu hodi dijitaliza servisu manuál ne’ebé eziste hela nomós motiva sira atu iha mentalidade no espiritu kompetitivu ho justu, onestu no saudavél iha setór ICT.

FHT no MJDAK sei fó prémio $200 ba primeiru lugar, $150 ba segundu lugar no $120 ba terseiru lugar ba nível sekundariu $50 ba partisipante hotu no rihun $2 ba vensedór nível universitáriu no $500 ba restante kompetitór sira ne’ebé partisipa kompetisaun.

“Restu ne’ebé la sai vensedór, sira halo preparasaun no partisipa máximu to’o final, entaun ami apresia hodi fó sertifikadu apresiasaun”, nia informa.

Rekezitu ba vensedór nível universitária mak kria sistema manuál ba dijitalizasaun kampu desportu no seguransa ba juri sira bele avalia. Rekezitu ba nível sekundaáiu ba kompetisaun mak pergunta no resposta, pergunta ba kada grupu ne’ebé bele iha opotuidade ba kada grupu fó resposta no ikus mak sorteiu ne’ebé juri sira sei avalia.

Jurista hamutuk na’in tolu kompostu na’in-rua husi  Informátika Teknolojia GHT no ida Organizasaun Nasaun Unida.

Kompetisaun ICT ne’e sei partisipa husi Universidade sira hanesan Orientál Timor Lorosa’e, Universidade Dili, Institutu Of Business, Díli Institutu Of Tecnology, Insitutu Superior Kristal no Institutu Profissional de Canossa.

FHT ho MJDAC mós sei realiza mós Kompetisaun Sertame ICT ba Nivel Sekundária ne’ebé sei partisipa husi Ensinu Sekundaria hitu (7) mak hanesan São José Operario, São Pedro Comoro, An-nur, 12 de Novembro, 4 de Setembro, 10 de Dezembro no Eskola Tékniku Vokasionál Becora.

Kompetisaun Sertame ICT ne’e sei realiza iha loron 28 Novembru 2023 iha Salaun IOB, Fomentu 2.

Jornalista: Jesuína Xavier

Editór        : Florencio Miranda Ximenes

iklan
iklan

Leave a Reply

iklan
error: Content is protected !!