DSRN Viqueque halo ona atendimentu trata pasaporte 51
VIQUEQUE, 29 novembru 2023 (TATOLI)—Diresaun Servisu Rejistu Notariadu (DSRN) munisípiu Viqueque hahú kinta (23/11) lorokraik halo ona atendimentu ba sidadaun ne’ebé trata pasaporte hamutuk 51.
“Atendimentu ami fó livre laiha limitasaun ba abitante Viqueque sira ne’ebé hakarak trata pasaporte. Ezemplu dader ami bolu uluk ema na’in-20 atende hotu mak kontinua bolu tan fali na’in-20, karik sei iha,” Diretór Servisu Rejistu Notariadu Munisípiu Viqueque, Rogério da Costa, informa ba Agência Tatoli, iha postu Viqueque Vila, kuarta ne’e.
Notísia relevante : Sidadaun na’in-108 trata ona pasaporte komun iha Covalima
Nia dehan, hafoin trata dokumentu, abitante sira sei selu iha banku, hafoin abitante sira simu pasaporte iha Dili.
“Iha Viqueque halo prosesu de’it, maibé simu tenke ba nasionál. Iha ne’e ita sei aplika kustu $50 ba semana rua maka abitante simu pasaporte iha Dili,” nia akresenta.
Daudaun ne’e, DSRN Viqueque kontinua halo atendimentu ba sidadaun ne’ebé halarak trata pasaporte
Jornalista : Vitorino Lopes da Costa
Editora : Julia Chatarina
