iklan

BAUCAU, HEADLINE, MUNISÍPIU, SOSIEDADE SIVĺL

Dom Leandro Alves husu xefe suku sira lori transformasaun ba povu iha Baucau

Dom Leandro Alves husu xefe suku sira lori transformasaun ba povu iha Baucau

Bispu Dioseze Baucau, Dom Leandro Maria Alves. Imajen Agência TATOLI/Natalino Belo.

BAUCAU, 30 novembru 2023 (TATOLI) – Igreja Katólika liuhosi Dioseze Baucau husu ba xefe suku foun atu hala’o kna’ar hodi serbí komunidade liuliu transformasaun moris ba povu iha munisípiu Baucau.

Bispu Dioseze Baucau, Dom Leandro Maria Alves, hato’o parabéns ba xefe suku sira-ne’ebé loron-28 novembru simu ona pose, komposta hosi xefe suku foun no re-eleitu nu’udar povu nia konfiansa ne’ebé depozita liuhosi eleisaun komunitária foin lalais ne’e iha territóriu nasionál inklui munisípiu Baucau.

“Ho povu sira-nia desizaun hodi sira eleitu ba xefe suku atu akomoda ideia povu nian hodi lori transformasaun ba moris ba povu,” Bispu Dioseze Baucau hateten iha Igreja Katedrál, Vila Antiga, kinta ne’e.

Dom Leandro Alves, hateten, ho kna’ar ne’ebé hetan liuhosi povu bele reprezenta ema hotu-hotu ejizénsia hanesan ekonomia, sosiál no edukasaun inklui saúde ne’ebé to’o atúal sei halerik iha kada suku.

Igreja ho estadu liuhosi governu to’o lideransa komunitária sempre serbisu hamutuk mesmu kn’aar diferente maibé objetivu atu serbí povu ho sarani sira iha nasaun Timor-Leste.

“Ita-nia serbisu hamutuk importante, buka la’o hamutuk nafatin atu bele fó kontente, hatán povu nia moris nian no ba parte espíritu nian,” Dom Leandro Maria Alves akresenta.

Entretantu, líder komunitária hamutuk na’in-59 iha munisípiu Baucau simu ona pose iha loron selebarasaun independénsia ba dala-48 loron-28 novembru hafoin eleitu nu’udar xefe suku ho mandatu tinan-hitu.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!