iklan

NASIONÁL, DILI, HEADLINE, SOSIEDADE SIVĺL

Guarda Prizionál 25 partisipa formasaun kona-bá komunikasaun efetivu

Guarda Prizionál 25 partisipa formasaun kona-bá komunikasaun efetivu

Dadur sira iha karreta Prizaun nia laran. Imajen/Dok.Tatoli

DILI, 30 novembru 2023 (TATOLI)–Guarda Prizionál na’in-25, kompostu husi prizaun Becora na’in-10, Gleno ualu no Covalima na’in-hitu partisipa formasaun kona-ba komunikasaun efetivu. Formasaun ne’e fasilita husi Asosiasaun HAK.

“Ita hakarak kapasita Guarda Prizionál sira iha fatin tolu hanesan Becora, Gleno no Covalima espesikamente iha lideransa, komunikasaun efetivu no psikolojia. Ita hakarak mos sensibiliza sira kona-ba direitu Guarda Prizionál,” hateten, Diretór Ezekutivu HAK, Feliciano da Costa Araújo, hateten, iha Balide.

Nia refere formasaun ne’e mos atu reforsa koperasaun entre prizioneirus sira ho HAK, tamba asosiasaun HAK fó nia asistensia iha funsaun atu defende prizioneiru no guarda sira.

Diretór ne’e hateten formasaun bele ajuda guarda prizionál sira hodi fó asisténsia ba prizoneiru sira iha prizaun nu’udar sidadaun.

“Prizaun hanesan fatin reflesaun ba hahalok sira atu oinsá prizioneiru sira bele fila ka re-integra ba iha komunidade. Ida ne’e mak ita hakarak tau nafatin”, nia hateten.

Formasaun ida ne’e apoiu husi gabinete Servisu Sosiedade Sivil ho montante rihun $30 no sei fó apoiu ba prizaun tolu atu rekluzu sira bele iha animasaun iha loron bo’ot sira hanesan 28 de novembru no seluk tan.

Iha fatin hanesan, Xefe Sesaun Seguransa Estabelesimentu Prizionál Gleno Ermera, Manuel de Deus Soares, hateten formasaun ne’e bele ajuda nia hodi hala’o serbisu hamutuk ho prizioneiru.

“Ita tenki iha kapasitasaun atu ami bele halo ezekusaun ba ami nia sebisu di’ak liu liuliu atu asegura direitu sira nian”, nia refere.

Maske prizioneiru sira iha limitasaun, maibé tratamentu ba ema dadur tuir Timor-oan ho  padraun internasionál, tanba hetan formasaun lubuk ida atu bele re-integra iha sosiedade.

Jornalista: Jesuína Xavier

Editór     :  Florencio Miranda Ximenes

iklan
iklan

Leave a Reply

iklan
error: Content is protected !!