POLÍTIKA

MPRM prioriza dezenvolvimentu kampu Greater Sunrise iha OJE 2024

MPRM prioriza dezenvolvimentu kampu Greater Sunrise iha OJE 2024

Ministru Petróleu no Rekursu Minerál (MPRM), Francisco da Costa Monteiro. Imajen Tatoli/Francisco Sony.

DILI, 30 novembru 2023 (TATOLI)—Ministru Petróleu no Rekursu Minerál  (MPRM), Francisco da Costa Monteiro, hateten iha proposta Orsamentu Jerál Estadu (OJE) 2024 ne’e MPRM tau prioridade dahuluk mak programa dezenvolvimentu kampu gás Greater Sunrise no asegura dada kadoras mai Timor-Leste.

“Ministériu Petrólie no Rekursu Naturál iha proposta OJE 2024 prevee ho montante  $57.579.359  ne’ebé aloka ba saláriu vensimentu $5.098.132,  bens serbisu $ 25.981.227, transferénsia públika $26.500.000. Hosi orsamentu parte tolu ne’e sei distribui hosi ministériu nian no mós ba entidade tutela nian hodi bele ezekuta programa prioridade lubun ida-ne’ebé mak ministériu define ona. Programa sira-ne’e dahuluk mak negosiasaun ba Greater Sunrise nian atu dada kadoras mai Timor-Leste,” Ministru ne’e hateten bainhira hala’o audiénsia públika ba proposta OJE 2024 ho komisaun C trata asuntu Finansa Públika no komisaun D trata asuntu Ekonómima no Dezenvolvimentu iha sala plenária PN, kinta ne’e.

Programa ne’e ho sub programa prinsipál mak negosiasaun no dezenvolve estudu inisiativa relevante hodi asegura gazodotu Greater Sunrise no kampu sira seluk mai Timor-Leste, depois sub-programa tuir mak dezenvolvimentu polítika no lejislasaun no regulamentu setór, apoiu fortifika instuisaun tutela no sub-programa sira seluk tan.

Programa daruak, dezenvolvimentu implementasaun projetu Tasi-Mane iha Kosta Sul, ne’e sei envolve projetu fíziku lubun ida maibé ida prinsipál iha 2024 mak rua ida Suai Supplay Base ne’ebé tinan barak uluk tenta ou avansa ona to’o hetan kontratu ida.

Maibé, depois iha indepedimentu balun lori ita atrazu to’o ohin loron, Governu liuhusi Ministériu Petróleu no Rekursu Minerál ho konsultasaun ho Primeiru-Ministru, tanba temi mós iha ne’e katak serbisu hotu-hotu liuliu relasiona ho negosiasaun ba kampu Greater Sunrise, Suai Supplay Base, Tasi-Mane.

Entaun, ba tinan oin ida-ne’e sai mós programa importante ida ba Suai Supplay Base ne’e hakarak atu komesa daudaun ona konstrusaun Supplay Base iha tinan oin, tanba ne’e sei relasaun ho kestaun dada kadoras mai Timor-Leste.

Objetivu ida mak desizaun dada kadoras mai TL ho negosiasaun sira-ne’ebé hahú daudaun ona, sei intenfika iha 2024 iha meadu ka 2024 nia rohan ne’e tenke halo ona desizaun konseitu úniku ba dezenvolve ba Greater Sunrise.

“Se ita halo desizaun iha 2024, plataforma, plant LNG, referenária, petrokímika ne’ebé sei relasaun ho ida-ne’eba ne’e sei akontese de’it iha fim 2026 ou inísia 2026. Atu ita bele dezenvolve greater sunrise ne’e ho di’ak, ita presiza Suai Supplay Base ne’e konstruidu no operasionaliza tiha ona antes 2027. Tanba ne’e mak ami hosi parte Governu deside liuhosi MPRN deside liuhosi konsultasaun ho Primeiru-Ministru,” nia hateten.

Tanba time line dezenvolvimentu ba Greater Sunrise entermu konstrusaun iha 2027, entaun Suai Supplay Base hotu iha fim 2026 ou mais tarde inísiu 2027.

“Tuir mai iha kontestu Tasi-Mane iha mós projetu ida auto estrada ne’ebé uluk hahú tiha ona hosi Suai ba Zumalai. Agora ita presiza tan ba to’o Natarbora, ne’e mós ami hatama hanesan programa prioridade ida iha 2024. Klaru sei la to’o iha 2024 de’it, maibé hanesan temi antes 2027 di’ak-liu Suai Supplay Baze ho auto estrada tenke hotu ona,” nia hateten.

Programa tuir mai mak esplora, investiga no dezenvolve rekursu petrolíferu, minerál no jeolójiku iha territóriu, ne’e liga ho hanesan iha kontestu agora haree hela, katak rendimentu setór petrolíferu nian ba Estadu rasik tun ba daudaun ona.

Liuliu, nia dehan, fundu petrolíferu ne’ebé agora sustenta hela nasaun nia balansu mós agora depedente loos ba investimentu fundu ne’e rasik, maibé entermu produsaun petróeíu ne’e nota hela tun ba daudaun, iha finmtinan ne’e ou inísiu tinan oin iha posibilidade kompañia sira sei deside atu para ona operasaun ka produsaun iha ne’eba.

“Entaun importante tebes ita esplora no investiga alternativu oioin seluk ne’e inklui iha rai-maran no tasi laran no mós iha petróleu no minerál ninian, ne’e mós sai programa importante iha ministériu nian iha 2024,” nia dehan.

Enkuantu programa ida ikus hosi MPRM mak funsionamentu no dezenvolvimentu instituisionál ne’e.

Deputada husi bankada FRETILIN, Cristina Ribeiro, apresia ho servisu MPRM ne’ebé kontinua programa hosi Governu anteriór nian.

“Apresia tebes ho Ministru nia servisu ne’ebé mak asegura kontinuidade ba servisu ne’ebé mak di’ak no serbisu ne’ebé halo hosi Governu anteriór to’o ohin loron. Ha’u mós akompaña aprova ona konseitu estudu ne’ebé mak atu halo entre ita-nia konsórsiu sira hodi asegura opsaun ne’ebé mak di’ak mai Timor-Leste,” nia dehan.

Deputadu hosi bankada opozisaun ne’e, husu konseitu úniku ne’e MPRM asegura hodi bele lansa lori Greater Sunrise mai Timor-Leste.

Jornalista : Nelson de Sousa

Editór        : Cancio Ximenes

 

iklan
iklan

Leave a Reply

iklan
error: Content is protected !!