iklan

ERMERA, MUNISÍPIU

Populasaun suku Katrai Kraik enfrenta falta bee-moos no eletrisidade

Populasaun suku Katrai Kraik enfrenta falta bee-moos no eletrisidade

Xefe Suku Katrai Kraik, Postu Administrativu Letefoho, Munisipiu Ermera, Carlos da Conçeicão Soares. Imajen Tatoli

ERMERA, 30 novemberu 2023 (TATOLI)— Xefe Suku Katrai Kraik, Postu Administrativu Letefoho, Munisipiu Ermera, Carlos da Conçeicão Soares rekoñese problema ne’ebé suku ne’e enfrenta mak falta bee-moos no eletrisidade.

“Iha suku ida ne’e iha aldeia sia, Xefe Familia hamutuk 106 resin, no total populasaun rihun rua resin, maibe bee-moos  foin to’o aldeia balun no komunidade balun, seidauk asesu ba bee-moos. Ho bee-moos ne’ebé laiha obriga komunidade sira tenki lao ain kilometru rua ka tolu hodi hetan bee-moos,” hateten Carlos da Conçeicão Soares ba jornalista sira iha Suku Katrai Kraik, Postu Administrativu Letefoho, Munisipiu Ermera, kinta ne’e.

Nia hatutan tan katak, durante iha tempu bai-loron iha tinan ida ne’e, komunidade sira susar tebes ba bee-moos no tenke lao dook hodi hetan bee-moos.

Aliende ne’e, kona ba eletrisidade iha suku Katrai Kraik iha aldeia sia (9), maibe to agora iha deit aldeia neen (6) mak asesu ona ba eletrisidade no aldeia tolu seluk seidauk.

“Kona ba eletrisidade iha suku ida ne’e iha aldeia sia, aldeia neen mak asesu ona ba eletrisidade maibe seidauk too 100% maibe foin mak too  75% no 25% seidauk asesu ba eletrisidade,” nia hateten.

Aldeia tolu ne’ebe seidauk asesu ba eletrisidade mak hanesan, aldeia, Kolkoli, Mosarmata, no aldeia Hatulia. No Aldeia neen ne’ebe  asesu ba eletrisidade mak hanesan, aldeia Mantorai, Belisuria, Mankulria, Hatuleten no aldeia Leoberema.

Jornalista : Mirandolina Barros Soares

Editora       : Armandina Moniz

iklan
iklan

Leave a Reply

iklan
error: Content is protected !!