iklan

BAUCAU, DEFEZA, HEADLINE, MUNISÍPIU

Membru F-FDTL tenke disiplina no serbí ho lealdade

Membru F-FDTL tenke disiplina no serbí ho lealdade

Membru FALINTIL-FDTL iha selebrasaun loron aniversáriu Komponente Terestre iha Lanud, Bahú, Baucau, tersa (05/12). Imajen Agência TATOLI/Natalino Belo.

BAUCAU, 05 dezembru 2023 (TATOLI) – Xefe Estadu Maiór FALINTIL-FDTL (XEMJ), Tenente Jenerál, Domingos Raul Falur Rate Laek, husu membru militár hotu atu mantein disiplina, serbí estadu ho responsabilidade no lealdade.

Xefi Estadu Maiór F-FDTL, Tenente Jenerál Domingos Raul Falur Rate Laek, esplika, asaun komponente terrestre ne’e fundamentál tebes ba afirmasaun soberania, konstrusaun sosiedade ne’ebé seguru no estável ne’ebé kontribui ba dezenvolvimentu nasaun nian, hahú hosi komandante to’o soldadu tenke iha responsabilidade boot atu harii no mantein konfiansa hosi povu ba forsa armanda.

“Ha’u hakarak aproveita oportunidade ida-ne’e hodi apela ba militár hotu-hotu atu halo tuir valoór FALINTIL nian, tenke serbí ho lealdade ba estadu no instituisaun la’ós ba organizasaun arte-marsiál no arte-ritúal,” Tenente Jenerál Falur hateten iha Lanud, Bahú, Baucau, tersa ne’e.

Tropa forsa militár terrestre nian ne’ebé prontu permanente nu’udar garantia nesesáriu ba defeza nasaun nian ne’ebé iha vokasaun pasífika no demokrátiku ho valór diálogu, justisa, respeita ba direitu umanu ne’ebé konsolida ona aan nu’udar sosiedade prósperu no fraternidade ba ema hotu.

Falur Rate Laek, argumenta, institusaun F-FDTL no militár tenke hatene responsabilidade atu serbí nasaun ho forma apartidarizmu no imparsiál.

Notísia relevante: Falur konsidera FALINTIL-FDTL hahú dezenvolve aan

Jornalista   : Natalino Belo 

Editór         : Evaristo Soares Martins

iklan
iklan

Leave a Reply

iklan
error: Content is protected !!