iklan

HEADLINE, SAÚDE

MENZIES, MAPPF no MS halo symposium ‘’one health’’ ambiente rezisténsia antimikrobiál

MENZIES, MAPPF no MS halo symposium ‘’one health’’ ambiente rezisténsia antimikrobiál

Menzies TL staff. Imajen/Espesiál

DILI, 05 dezembru 2023 (TATOLI) – Menzies School of Health Research hamutuk Ministériu Agrikultura Pekuaria Peskas no Floresta ho Ministériu Saúde halo symposium kona-ba one health ambiente rezisténsia antimikrobiál iha Timor-Leste.

“Konseitu husi One Health demonstra katak ambiente, agrikultura, pekuaria, enjenaria, saúde públiku no medisina klínika hotu iha kna’ar ida atu importante ba veterinaria sira, médiku, siéntista sira, profisionál saúde ambiente no epidemiolojista sira iha Timor-Leste, ne’ebé servisu iha ida-idak nia área, hamutuk tau sira-nia esforsu hodi promove saúde antimikrobiál ida-ne’e ba futuru”, Senior Cordinator Flemin Fund Menzies School of Health Research TL Karen Champlin, informa bainhira hala’o symposium iha JL Villa Aimutin, ohin.

Nia esplika, Symposium ida-ne’e hetan apoia husi Fleming Fund Country Grant ba Timor-Leste liuhosi fundu husi Guvernu Reinu Unidu ho objetivu husi Fleming Fund atu haforsa sistema vijilánsia ba rezisténsia antimicrobial iha Timor-Leste liuhosi aproximasaun One Health.

“Menzies kontente tebes ba servisu hamutuk ho doadór husi Reinu Unidu no Governu Austrália, parseiru Governu Timor-Leste nian, WHO no parseiru sira seluk iha setór saúde umana no animal hodi asegura koordenasaun no hakbiit sistema vijilánsia ba rezisténsia antimicrobial no zoonosis iha Timor-Leste”, nia dehan.

Nia afirma, Symposium ida-ne’e fó oportunidade di’ak ida hodi fahe informasaun kona-ba risku no konsekuénsia sira ne’ebé la espera husi ligasaun entre ema, animál no saúde ambiente, enkuantu esplora impaktu husi moras emerjénsia sira ne’ebé mosu iha komunidade no individu sira.

Iha fatin hanesan, Diretora Nasionál Diresaun Veterinaria, Ministériu Agrikultura Pekuaria Peskas no Floresta (MAPPF), Joanita da Costa Bendita João, dehan atividade ohin ne’e atividade kontinuasaun ne’ebé mak durante ne’e MAPPF hetan apoiu husi parseiru dezenvolvimentu sira hanesan, Menzies, OMS sira nia apoiu atu haree kona-ba ita-nia utilizasaun antimikrobiu iha Timor-Leste.

Diretór Nasionál Prevensaun no Kontrolu Moras iha Ministériu Saúde, Florindo Gonzaga, informa symposium ida-ne’e halo ba dala rua ona mak halo iha tinan kotuk kona-ba antimikrobiál ambiente nian.

“Nia hateten, Timor -Leste iha hela preparasaun ba kontrolu nian no fó kapasitasaun ba médiku sira oinsá uza antibiotiku ida-ne’e.

“Ita mós fó kapasitasaun ba profisionál saúde sira hotu iha territóriu nasionál oinsá atu uza aimoruk antibiotiku ida-ne’e, nunee bele evita antibiótika rezisténsia ba ita-nia pasiente sira ne’ebé mak konsumu”, nia konklui.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!