COVALIMA, HEADLINE

DNTT sensibiliza sinál tránzitu ba motorista sira

DNTT sensibiliza sinál tránzitu ba motorista sira

Diresaun Nasionál Transporte Terrestre sensibiliza regra utiliza estrada públiku ba motorista sira iha Covalima. Imajen Tatoli/Celestina Teles.

COVALIMA,06 dezembru 2023 (TATOLI) –  Ministériu Transporte no Komunikasaun, liuhusi Diresaun Nasionál Transporte Terrestre (DNTT) sensibiliza utilizasaun sinál tránzitu iha estrada públiku ba motorista sira iha Covalima hodi prevene asidente tráfegu.

Diretora Nasionál Transporte Terrestre, Maria Antónia Vítor, hateten sensibilizasaun regra tránzitu estrada públiku la’ós hala’o de’it iha Covalima, maibé mós iha munisípiu sira seluk.

Razaun DNTT divulga regra utiliza estrada públiku tanba motorista barak iha ona karta kondusaun, maibé kontinua kontra kódigu estrada nune’e tenke halo atividade ne’e hodi hasa’e sira-nian koñesimentu atu utiliza kódigu estrada.

DNTT aprezenta máteria sinál tránzitu atu fo protesaun ba ema la’o ain no utiliza transporte nomos sinal informasaun oinsá uza estrada públiku ho seguru, sinál tránzitu no oinsá prevene asidente tráfegu.

Reprezentante Administradór Munisípiu Covalima, Afonso Nogueira Nahak, agradese ba DNTT tanba sensibiliza ona regra sinál tránzitu ba motorista sira iha Covalima.

Autoridade Covalima mós husu ba motorista no estudante-sira ne’ebé partisipa iha atividade sensibilizasaun ne’e tenke rona informasaun ho sériu, nune’e fahe tutan ba família no ema hotu atubele utiliza estrada ho kuidadu no labele hamosu asidente no insidente.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!