DILI, 06 dezembru 2023 (TATOLI) – Xefe Estadu José Ramos Horta bainhira partisipa iha selebrasaun loron nasionál Thailandia nian iha Dili deklara katak relasaun nasaun rua kontinua metin liután iha àrea saida de’it.
Prezidente Repúbkika nia diskursu ko’alia kona-ba relasaun amizade ne’ebé besik entre nasaun rua durante dékada rua nia liu.
“Ita nota apoiu Tailándia nian ba independénsia Timor-Leste nian, inklui dezlokasaun tropa manutensaun ba pás nian iha 1999. Soldadu Tailándia hamutuk 1,600 liu mak sai parte ida husi misaun ONU nian, hahú husi tinan 2000-2003”, Horta dehan iha nia diskusrsu.
Prezidente mós temi ofisiál militár Tailándia sira ne’ebé hala’o knaar lideransa seniór iha forsa manutensaun pás ONU nian hahú husi tinan 1999-2002.
Tailándia fó tan rezidénsia ba eis komandante forsa Tailándia nian iha Dili hodi sai nu’udar Embaixada Tailándia.
Aleinde kooperasaun seguransa, Ramos Horta hateten katak programa dezenvolvimentu no edukasaun ne’ebé kontinua hala’o iha Tailándia hodi benefisia Timor-Leste. Ida-ne’e inklui bolsa estudu, projetu agríkola sira ne’ebé hetan apoiu husi Liurai-Feto Maha Chakri Sirindhorn, no estudante timoroan sira ne’ebé oras ne’e estuda iha Tailándia.
Timor-Leste sai membru ASEAN iha tinan 2025, Ramos-Horta agradese ba Tailándia tanba sai advogadu forte iha prosesu ida-ne’e. Nia reforsa apoiu Timor-Leste nian ba inisiativa multilaterál Tailándia nian no hein atu habelar kooperasaun bilaterál.
Jornalista: Hortencio Sanchez
Editór : Zezito Silva
