iklan

DEFEZA, HEADLINE

Sabika husu membru F-FDTL tenke kuda espiritu 7 dezembru 1975

Sabika husu membru F-FDTL tenke kuda espiritu 7 dezembru 1975

Membru FFDTL neebe imvolve iha arte marsial no arte ritual bainhira partisipa iha juramentu iha Palacio governu, kinta 7 desembru 2023. Foto Tatoli/Antonio Daciparu

DILI, 07 dezembru 2023 (TATOLI) – Xefe Departementu Justisa Komandu F-FDTL, Majór Jenerál, Americo Ximenes ‘Besi-Kulit’ husu ba membru F-FDTL atu kontinua kuda espiritu 7 dezembru 1975 tanba loron ida-ne’e mak hahú povu Timor-Leste kontra okupasaun Indonézia.

“Ohin loron ida ne’ebé mak istóriku tebes ba povu Timor-Leste ,tanba iha loron ida-ne’e povu afirma pozisaun ida hodi kontra rai ida no ohin mak ita-nia povu no FALITIL inklui ita-nia lideransa sira fakar ran”, Americo Ximenes bainhira prezide serimónia juramentu ba membru F-FDTL 175 ne’ebé halao iha kampu parada Sentru Instrusaun Komandante Nicolau Lobato Metinaro, kuarta ne’e

Nia dehan, komemorasaun loron invazaun Indonézia tinan ne’e kompleta tinan 48, tanba ne’e husu F-FDTL atu kontinua banati tuir espiritu FALITIL nian ne’ebé defende rai no povu ida-ne’e hodi fakar sira-nia ran atu rejiste hasoru invasaun.

“Sira (F-FDTL) tenke banati tuir FALINTIL iha tempu ida ne’ebá, halo rezisténsia para liberta nia povu tanba F-FDTL mak sai kontinuadór. Imi mai iha ne’e hanesan forsa nasaun, tanba imi ne’e troka Falintil sira mak imi iha ne’e, entaun imi nian komportamentu ne’e tenke hanesan mós ema Falintil uluk 1975”, nia adianta.

Nia dehan, komemorasaun 7 dezembru 1975 ba dala-48 ,tinan ne’e Estadu hili atu halo juramentu ba F-FDTL hodi hases aan hosi Grupu Arte Marsiál no Rituál, tanba loron ne’e mak sai loron dahuluk ba timoroan no FALINTIL fakar ran defende prinsípiu ida.

“Imi halo juramentu iha loron ohin ne’e tanba loron ida-ne’e mak dahuluk ita-nian maluk sira fakar ran ita-nian povu, FALINTIL sira no ita-nia lideransa sira mate atu rejiste hasoru nasaun ida”, nia konklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!