iklan

EKONOMIA, MUNISÍPIU, VIQUEQUE

Servisu Agrikultura Viqueque hahú distribui fini batar ba agrikultór

Servisu Agrikultura Viqueque hahú distribui fini batar ba agrikultór

Ilustrasaun fini batar. Imajen/Espesiál

VIQUEQUE, 11 dezembru 2023 (TATOLI)—Servisu Agrikultura munisípiu Viqueque hahú distribui ona fini batar ho variedade sele ba povu agrikultór sira ba époka 2023.

“Fini hirak ne’e atu apoia ba agrikultór sira hodi kuda iha sira-nia to’os. Tinan ida-ne’e munisípiu Viqueque hetan fini batar ho varidade sele hamutuk tonelada 6.125,” Diretór Servisu Agrikultura munisípiu Viqueque, Joaquin Fernandes, informa ba Agência Tatoli, iha salaun Luminar, Beloi, segunda ne’e.

Servisu Agrikultur distribui uluk tonelada 4.800 ba postu adiministrativu haat hanesan Uatucarbau, Uatulari, Ossu no Lacluta no sei iha tonelada 1.925 atu distribui ba postu Viqueque Vila.

“Postu Viqueque Vila maka seidauk distribui fini maibé tempu badak ami sei distribui ba agrikultór sira. Daudaun ne’e, agrikultura sira iha postu Ossu maka kuda uluk ona batar, enkuantu postu seluk sei hein hela udan been,” nia akresenta.

Notísia relevante : Agrikultura distribui ona fini batar tonelada hitu ba toos-na’in sira iha Covalima

Kada suku hetan fini kilógrama 150, maibé suku ne’ebé iha populasaun barak hetan kilógrama 350.

Servisu Agrikultura Viqueque hafoin ramata distribuisaun fini, sei prepara ai-moruk pesti ba agrikultór sira.

“Esperiénsia hatudu ona katak pesti estraga mós batar iha époka 2022, ne’ebé ami prepara ai-moruk hodi prevene ba peste,” nia haktuir.

Ekipa responsável ba distribuisaun enfrenta falta transporte, tanba daudaun iha karreta ida, nune’e sai obstákulu hodi transporta fini ba suku sira-ne’ebé iha área rurál.

“Ha’u prepara ona pedidu ba nasionál hodi apoiu karreta ruma ba ami, atu ami bele uza hodi distribui fini batar ba agrikultór sira ne’ebé hela suku área remita sira,”Diretór tenik.

Jornalista     : Vitorino Lopes da Costa

Editora          : Julia Chatarina

iklan
iklan

Leave a Reply

iklan
error: Content is protected !!