Top

STAE ezekuta OJE 2023 atinje ona 80%

Osan Dólar Amérika. Imajen/Espesiál

DILI, 12 dezembru 2023 (TATOLI)— Sekretariadu Tékniku Administrasaun Eleitorál (STAE) ezekuta Orsamentu Jerál Estadu (OJE) 2023 atinje ona 80%.

“Hosi 80%-resin nia alokasaun orsamentu ba STAE tinan 2023 ne’e akumukadu orsamentu tolu hanesan osan rutina ba STAE nian kuaze miliaun $1.5, ba eleisaun parlamentar millaun $6 no ba suku millaun $9,” Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten ba Agência Tatoli, iha nia kna’ar fatin Caicoli, tersa 912 dezembru 2023) ne’e.

Hosi osan kuaze millaun $1.5 ne’e utiliza ba atividade rutina STAE nian hanesan saláriu vensimentu sira, tanba STAE nia programa ida mak transversál ne’e, jestaun instituisaun oinsá atu sustenta mákina STAE nasionál no munisipál sira.

Programa seluk ida mak ita hodi halo resensiamentu eleitorál lori atende ba eleisaun parlamentár no eleisaun suku.

“Ida-ne’e ita ezekutadu ona no agora ita hein saláriu ba dezembru nian, selu eletresidade no pulsa. Hosi atividade sira-ne’e mak ita ezekuta ona 80%-resin ona,” nia hateten.

Antes ne’e, iha 22 dezembru 2022, antigu Ministru Administrasaun Estatál (MAE), Miguel Pereira de Carvalho, hateten planu operasionál hodi realiza eleisaun Parlamentár iha tinan 2023 ne’e, Governu liuhosi MAE prevee millaun $6 ba Sekretariadu Tékniku Administrasaun Eleitorál (STAE) hodi halo preparasaun.

Governu prevee Orsamentu Jerál Estadu ba MAE millaun $10 hodi realiza eleisaun parlamentár maibé osan ida-ne’e sei fahe ba entidade oioin hanesan Polísia Nasionál Timor-Leste (PNTL), STAE inklui Komisaun Nasionál Eleisaun (CNE, sigla portugés).

Nune’e mós, iha 16 novembru 2022, Parlamentu Nasionál (PN) aprova proposta Orsamentu Jerál Estadu (OJE) 2023 ho montante $1,773,979 ba Sekretariadu Tékniku Administrasaun Eleitorál (STAE) iha espesialidade ho votu a-favór 55, kontra 0 no abstensaun neen.

Tuir livru orsamentál, montante orsamentu ne’e STAE ba tinan 2023 sei implementa programa boa-governasaun no jestaun instituisionál ho sub-programa tolu no atividade neen.

Antes ne’e, Ministru Administrasaun Estatál (MAE), Miguel Pereira de Carvalho, hateten Sekretáriadu Tékniku Administrasaun Eleitorál (STAE), iha proposta Orsamentu Jerál Estadu (OJE) 2023 prevee millaun $10 hodi realiza eleisaun parlamentár no millaun $9 eleisaun xefe suku iha tinan 2023.

Proposta-lei OJE 2023 ne’ebé aloka ba STAE ho montante $1,773,979 hanesan orsamentu rutina halo despeza regulár sira no realiza atividade resensiamentu eleitorál ho atualizasaun baze dadus ne’ebé STAE hahú halo ona iha juñu sei termina iha novembru tinan 2022, no ba tinan 2023 hosi orsamentu ne’e sei utiliza mós kontinua halo atualizasaun baze dadus no resensiamentu eleitorál.

Enkuantu proposta OJE 2023 millaun $10 ne’ebé STAE tau iha títulu dotasaun todo Governu hodi bele utiliza despeza sira iha eleisaun lejislativa mai.

Notísia Relevante: OJE 2023 ba STAE aprovadu ho votu a-favór 55

Jornalista : Osoria Marques

Editór        : Cancio Ximenes

Publisidade

Leave a Reply

Latest Post

error: Content is protected !!