iklan

EDUKASAUN, DEFEZA, DILI, HEADLINE

Membru F-FDTL na’in-ualu konklui formasaun inglés nivel  V

Membru F-FDTL na’in-ualu konklui formasaun inglés nivel  V

Imajen espesiál

DILI, 14 dezembru 2023 (TATOLI) – Membru FALINTL-Forsa Defeza Timor-Leste (F-FDTL), hamutuk na’in-ualu konklui ona formasaun lian inglés iha nivel V ou Intermédiu.

“Sira na’in-ualu ne’ebé mak ohin konklui ona kursu ne’e to’o ona iha nivel V nian, tanba sira kada nivel ida tenke pasa. Tanba ne’e na’in-ualu ne’e últimu ona, para prepara fali ba akademia”, hatete Diretór Rekursu Umanu F-FDTL Koronél Alberto dos Santos liuhosi komunikadu ne’ebé Agência TATOLI asesu hosi media F-FDTL, ohin.

Koronel Alberto do Santos esplika, graduasaun ba membru F-FDTL husi komponente no unidade hotu hosi Kompostu Aéro, Naval no Terrestre, Unidade Polísia Milítar (PM), Unidade FALINTIL, Unidade Apoiu servisu no sira seluk tan hamutuk ema na’in-65 mak tuir formasaun ne’e maibé na’in-ualu mak termina ona.

Alberto hatutan liutan katak formasaun ne’e sei la’o durante fulan 18 tamba ne’e, entre membru sira nia preparasaun rigorozu, ba sira ne’ebé la pasa la pasa duni.

Forsa Austrália kapasita ona membru F-FDTL iha lingua Inglés hamutuk kuaze nain atus lima  resin.

Nia akresenta liután, militár sira ne’ebé mak atu kumpre misaun apoia ba pás, sira tenke hatene ko’alia lian inglés tanba ne’e mak tinan-tinan formasaun sempre la’o nafatin ba nivel hothotu.

“Ezijénsia mundu ohin loron mak ne’e, ita la’os moris mesak, ita moris iha komunidade internasionál, ita mós kumpre kompromisu ne’ebé mak Governu halo tiha ona ho ita-nia parseriu sira hanesan ONU, tanba ne’e mak ita tenke ba kumpre misaun iha ONU”, nia salienta.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!