Top

SEII prioriza programa inkluzaun sosiál iha OJE 2024

Osan Dólar Amérika. Imajen/Espesiál

DILI, 14 dezembru 2023 (TATOLI)—Sekretária Estadu Igualidade no Inkluzaun (SEII) prioriza programa inkluzaun sosiál iha proposta-lei Orsamentu Jerál Estadu (OJE) 2024.

Liuhosi diskusaun no votasaun Parlamentu Nasionál (PN), kinta ne’e, aprova proposta-lei Orsamentu Jerál Estadu (OJE) 2024 ba Sekretária Estadu Igualidade no Inkluzaun (SEII) ho montante $2.138.813 ho votu a-favór 44, kontra neen (6) no abstensaun 14.

“Ne’ebé, Orsamentu ba Sekretária Estadu Igualidade pasa,” Prezidente Parlamentu Nasionál, Maria Fernanda Lay, hateten liuhosi diskusaun no votasaun ba proposta OJE 2024 faze espesialidade ba loron dahuluk iha sala plenária PN, kinta ne’e.

Sekretária Estadu Igualidade no Inkluzaun (SEII) iha proposta OJE 2024 prevee $2.138.813 hodi aloka ba saláriu vensimentu $ 775.247, bens no serbisu $ 836.616, transferénsia públika $300.000, kapitál menór $ 226.950 no kapitál dezenvolvimentu laiha.

Tuir livru proposta-lei OJE 2024 planu asaun annual hosi SEII prioriza programa funsionamentu no jestaun instituisionál ho sub-programa tolu no atividade lima.

Programa inkluzaun sosiál ho ninia sub-programa integrasaun kompromisu jéneru no inkluzaun sosiál iha programa, lei no orsamentu Estadu no komunidade jerál ho atividade tolu, sub-programa empoderamentu ekonómiku ba feto ho komponente vunerável ho atividade ida.

Sub-programa planeamentu monitorizasaun no avaliasaun ho atividade rua, sub-programa relasaun públika no mídia ho atividade ida, sub-programa hakotu violénsia kontra feto no labarik feto sira ho komponente vunerável liu ho atividade haat, sub-programa partisipasaun feto iha polítika no nivel foti desizaun ho atividade ida.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!