iklan

EDUKASAUN, COVALIMA

Estudante 70 hosi Covalima reprovadu iha ezame nasionál

Estudante 70 hosi Covalima reprovadu iha ezame nasionál

Xefe Departamentu Parke Eskolár Covalima, Manuel Franca. Iimajen Tatoli/Celestina Teles.

COVALIMA, 18 dezembru 2023 (TATOLI)–Estudante finalista hosi Ensinu Báziku (EBC) no Ensinu Sekundáriu na’in-70 iha Covalima reprovadu iha ezame nasionál ne’ebé hala’o iha fulan-outubru ba periódu tinan letivu 2023.

Xefe Departamentu Parke Eskolár Covalima, Manuel França, hateten estudante finalista hosi EBC ne’ebé partisipa iha ezame hamutuk na’in-1,503, maibé hosi númeru ne’e ihana’in-60 la pasa iha ezame Nasionál.

Estudante finalista hosi Ensinu Báziku Sentrál ne’ebé la pasa iha ezame nasionál ne’e mai hosi EBC Ogues iha na’in-13, Ladi iha na’in-13, Sándalo na’in-13, Kafe iha na’in-rua (2), Lontale iha na’in-lima (5), Beilaco na’in-tolu (3) no EBC Salele ne’e iha na’in-11 mak reprovadu.

Aleinde ne’e, etudante finalista sira hosi Ensinu Sekundáriu tolu hanesan ensinu sekundáriu Públiku Suai, Eskola Sekundáriu Kátolika Ave Maria Suai no Kafe partisipa iha ezame nasionál hamutuk 881, fahe Siénsia Teknólojia (CT) ne’ebé partisia iha ezame nasionál hamutuk 489 ne’e, iha ema na’in neen (6) mak reprovadu.

Estudente hosi Siénsia Sosiál Umaniora (CSH, sigla portugés) ne’ebé partisipa iha ezame nasionál hamutuk na’in-392 ne’e, iha estudante finalista na’in-haat (4) la pasa.

Iha nivél ensinu sekundáriu hosi eskola sekundáriu Ave Maria Suai, Café ne’e 100% aprovadu maibé estudante finalista ensinu sekundáriu públiku Suai na’in-10 mak reprovadu.

Jornalista : Celestina Teles

Editór        :  Cancio Ximenes

iklan
iklan

Leave a Reply

iklan
error: Content is protected !!