iklan

NASIONÁL, DILI, HEADLINE, SOSIEDADE SIVĺL

Profisionál liña frente na’in-20 partisipa formasaun kona-bá tráfiku umanu

Profisionál liña frente na’in-20 partisipa formasaun kona-bá tráfiku umanu

DILI, 18 dezembru 2023 (TATOLI)-Programa Monitorizasaun Sistema Judisiál (JSMP, sigla ingles) fó formasaun kona-bá tráfiku umanu ba profisionál liña frente na’in-20 husi munisípiu Díli.

Profisionál sira na’in-20 kompostu hosi Unidade Polísia Fronteira na’in-ida, Unidade Polísia Maritima na’in-rua, Vulnerable Unit Police na’in ida husi Polísia Nasionál Timor-Leste, Alfándega na’in-rua, manorin eskola São Pedro Comoro na’in-rua, pesoál médika postu saúde Comoro na’in-rua, ONG PRADET na’in-rua, no Xefe Suku Comoro ho nia estrutura suku no mós mobilizadór suku na’in-8.

Objetivu husi formasaun ne’e atu aumenta koñesimentu  no kapasidade profisionál sira hodi bele prevene no kombate tráfiku umanu.

“Matéria ne’ebé fó iha treinamentu ne’e, alende kona-bá saida mak tráfiku umanu, inklui mós kona-bá oinsa bele uza matadalan tráfiku umanu hodi prevene, identifika, relata no kombate tráfiku umanu”, refere nota ne’ebé Agência Tatoli, asesu.

Formasaun ne’e realiza ho apoiu finanseiru hosi Governu Timor – Leste liuhusi Ministériu Interiór ne’ebé jere hosi Ajénsia Nasoins Unidas UN Women Timor Leste.

Antes ne’e, JSMP mós fó ona formasaun ba profisionál liña frente iha munisípiu iha fronteira Mota Masin-Covalima konaba tráfiku umanu no violénsia bazea ba jéneru.

Jornalista: Jesuína Xavier

Editór       : Florencio Miranda Ximenes

iklan
iklan

Leave a Reply

iklan
error: Content is protected !!