iklan

ERMERA

Xefe Estadu entrega prezente Natál ba estudante São Paulo Novitiate Railaco

Xefe Estadu entrega prezente Natál ba estudante São Paulo Novitiate Railaco

Prezidénsia Repúblika liuhosi Servisu Sosiedade Sivíl entrega prezente Natál hodi fó apoiu nesesidade bázika ba Konventu São Paulo Novitiate, postu administrativu Railaco, munisípiu Ermera, , domingu (17 dezembru 2023) ne’e. Imajen/Mídia PR.

DILI, 18 dezembru 2023 (TATOLI)—Prezidénsia Repúblika, domingu (17 dezembru 2023) ne’e, liuhosi Servisu Sosiedade Sivíl entrega prezente Natál hodi fó apoiu nesesidade bázika ba Konventu São Paulo Novitiate, postu administrativu Railaco, munisípiu Ermera.

“Apoiu ida-ne’e hanesan Prezente Natál nian hosi Prezidénsia Repúblika ba alin-feto sira iha konventu São Paulo Novitiate Railaco, hodi selebra Loron-Natál 2023 ho Tinan Foun 2024,” Asesór Servisu Sosiedade Sívil, Quintiliano Moniz, hateten liuhosi nota ne’ebé Agência Tatoli, asesu, segunda ne’e.

Hafoin simu tiha apoiu hirak ne’e, reprezentante estudante hato’o agradesimentu ba Prezidente Repúblika, José Ramos-Horta, ne’ebé la haluha sira iha epóka natalísia ne’e.

“Ho apoiu hirak ne’e konsidera, hakmaan ona estudante sira-ne’ebé hela iha konventu ne’e no espera, apoiu hanesan sira sei hetan nafatin bainhira iha futuru, sira hasoru susar ruma,” nia dehan.

Nesesidade bázika sira ne’ebé Servisu Sosiedade Sivil entrega hanesan foos, mina tein, materiál dapur nian, roupa no seluk tan.

Iha Konventu São Paulo Novitiate, postu administrativu Railaco, munisípiu Ermera, iha estudante feto hamutuk na’in-40.

Jornalista : Osória Marques

Editór          : Cancio Ximenes

iklan
iklan

Leave a Reply

iklan
error: Content is protected !!