DILI, 19 dezembru 2023 (TATOLI) – Parlamentu Nasionál (PN) aprova fundu espesiál ba dezenvolvimentu Ataúro ho totál orsamentu $2.723.605 iha faze espesialidade.
Orsamentu Fundu Espesiál ba Dezenvolvimentu Ataúro pasa iha espesialidade ho votu afavór 43, kontra zero no abstensaun 23.
“Ho nune’e mak orsamentu orsamentu ba fundu espesiál ba dezenvolvimentu Ataúro pasa”, Prezidente Parlamentu Nasionál Maria Fernanda Lay, fó sai iha debate espesialidade ba Orsamentu Jerál Estadu (OJE) 2024, tersa, ohin.
Orsamentu ba Fundu Espesiál ba Dezenvolvimentu Ataúro ba tinan oin ho totál $2.723.605, fahe ba kategoria saláriu no vensimentu $250.391, bens no servisu $634.215, tranferénsia públika $150.000, kapital menór zero no kapital dezenvolvimentu $1.688.999.
Nune’e mós, PN aprova orsamentu Gabinete Fronteira Terrestre no Marítima ho votu afavór 43, kontra zero no abstensaun 22.
Orsamentu Gabinete Fronteira Terrestre no Marítima ba tinan oin hamutuk $1.800.000, fahe ba kategoria saláriu no vensimentu $410.044, bens no servisu $1.362.455, tranferénsia públika zero kapital menór $27.501 no kapitál dezenvolvimentu zero.
Jornalista: Natalino Costa
Editór : Zezito Silva
