PN aprova OJE 2024 ba Agência TATOLI, I.P $649.526 iha espesialidade
DILI, 19 dezembru 2023 (TATOLI)—Parlamentu Nasionál (PN), tersa ne’e, aprova proposta-lei Orsamentu Jerál Estadu (OJE) tinan fiskál 2024 ba TATOLI-Agência Noticiosa de Timor-Leste, I.P $649.526 iha espesialidade ho votu a-favór 44, kontra 0 no abstensaun 21.
“Nune’e, orsamentu pasa,” Prezidente Parlamentu Nasionál, Maria Fernanda Lay, fó sai iha sala plenária PN iha debate proposta OJE 2024 iha faze espesialidade.
Proposta OJE 2024 ba TATOLI-Agência Noticiosa de Timor-Leste, I.P ho montante $649.526 ne’e hodi aloka ba saláriu vensimentu $492.059, bens no serbisu $157.467, transferénsia públika ho kapitál menór no kapitál dezenvolvimentu laiha.
Hosi orsmaentu ne’e, aloka ba programa Garante liberdade espresaun no asesu informasaun hamutuk $380.204 no programa funsionamentu dezenvolvimentu instituisionál ho montante $269.322.
Tuir dokumentu livru proposta-lei OJE 2024 planu anuál serbisu no entidade setór públiku administrativu ba TATOLI-Agência Noticiosa de Timor-Leste, I.P prioriza progama rua mak hanesan programa garantir liberdade espresaun no asesu informasaun ho nia sub-programa garantir asesu informasaun no nia atividade reforsa funsionamentu instituisaun, atividade reforsa serbisu redasaun expande konteúdu no asegura kualidade ho atividade reforsa parseira.
Programa funsionamentu no dezenvolvimentu instituisional ho sub-programa funsionamentu instituisionál ho nia atividade ida (1), sub-programa dezenvolvimentu instituisionál ho atividade haat (4).
Jornalista : Nelson de Sousa
Editór : Cancio Ximenes
