DILI, 19 dezembru 2023 (TATOLI) – Parlamentu Nasionál aprova orsamentu tinan fiskál 2024 ba Institutu Defeza Nasionál (IDN) ho montante $1.151.802 iha faze espesialidade.
Orsamentu ba IDN, parlamentu aprova iha espesialidade ho votu afavór 42, kontra zero no abstensaun 23.
“Ho nune’e orsamentu ba Institutu Defeza Nasionál pasa”, Prezidente Parlamentu Nasionál Maria Fernanda Lay fó sai iha debate Orsamentu Jerál Estadu 2024, iha sala plenaria tersa, ohin.
Enkuantu orsamentu ne’ebé IDN iha ba tinan 2024 aloka $1.151.802, fahe ba kategoria saláriu no vensimentu ho montante $44.383, bens no servisu $709.419, transferénsia públika zero, kapitál menór zero inklui kapitál dezenvolvimentu zero.
Iha baiban ne’e, PN aprova iha espesialidade ho orsamentu ba Institutu Jeolojia Siénsia Timor-Leste ho votu afavór 42, kontra haat no abstensaun 18.
Orsamentu ba Institutu Jeolojia Siénsia Timor-Leste tinan oin ho dotasaun totál hamutuk $5.625.548, fahe ba kategoria saláriu no vensimentu $21.216, bens no servisu $5.054.332, transferénsia públika zero, kapitál menór $55.000, kapitál dezenvolvimentu zero.
PN mós aprova orsamentu Institutu Apoiu Dezenvolvimentu Emprezariál (IADE) iha faze espesialidade ho votu afavór 42, kontra zero no abstensaun 23.
Orsamentu ba Institutu Apoiu Dezenvolvimentu Emprezariál ba tinan oin hamutuk $1.310.636, fahe ba kategoria saláriu no vensimentu $640.898, bens no servisu $395.308, transferénsia públika $25.000, kapitál menór 24.430, kapitál dezemvolvimentu zero.
PN mós aprova iha espesialidade orsamentu ba Imprensa Nasionál Timor-Leste I.P ho votu afavór 42, kontra zero no abstensaun 23.
Orsamentu ba Imprensa Nasionál Timor-Leste I.P ba tinan oin hamutuk $1.07.941, fahe ba kategoria saláriu no vensimentu $369.996, bens no servisu $517.945, transferénsia públika zero, kapitál menór $130.000 no kapitál dezenvolvimentu zero.
PN mós aprova Orsamentu ba Hospitál Nasionál Guidu Valadares (HNGV) iha espesialidade ho votu afavór 45, kontra zero no abstensaun 20.
Orsamentu ba HNGV tinan oin hamutuk $13.561.728, fahe ba kategoria saláriu no vensimentu $8.106.499, bens no servisu $4.341.366, transferénsia públika zero, kapitál menór $613.647, kapitál dezenvolvimentu $500.216.
PN mós aprova orsamentu ba Konsellu Imprensa iha espesialidade ho votu afavór 44, kontra zero no abstensaun 21.
Orsamentu ba Konsellu Imprensa ba tinan oin hamutuk $892.143, fahe ba kategoria saláriu no vensimentu $502.618, bens no servisu $389.525, transferénsia públika zero, kapitál menór zero, kapitál dezenvolvimentu zero.
PN mós aprova orsamentu ba Komisaun Nasionál Eleisaun iha espesialidade ho votu afavór 42, kontra zero no abstensaun 23.
Orsamentu ba Komisaun Nasionál Eleisaun (CNE,sigla portugés) ba tinan oin hamutuk $8.836.929, fahe ba kategoria saláriu no vensimentu $1.321.840, bens no servisu $1.345.249, transferénsia públika $6.019.840, kapitál menór $150.000, kapitál dezenvolvimentu zero.
PN mós aprova orsamentu ba Komisaun Nasional Aprovizionamentu iha espesialidade ho votu afavór 42, kontra rua no abstensaun 21.
Orsamentu ba Komisaun Nasionál Aprovizionamentu ba tinan oin hamutuk $2.195.880, fahe ba kategoria saláriu no vensimentu $1.770.800, bens no servisu $425.080, transferénsia públika zero, kapitál menór zero no kapitál dezenvolvimentu zero.
PN mós aprova orsamentu ba Komisaun Funsaun Públiku iha espesialidade ho votu afavór 42, kontra zero no abstensaun 23.
Orsamentu ba Komisaun Funsaun Públiku ho orsamentu ba Komisaun Nasionál Aprovizionamentu ba tinan oin hamutuk $3.048.399, kategoria saláriu no vensimentu $2.127.049, bens no servisu $918350, transferénsia públika $3.000, kapitál menór zero no kapitál dezenvolvimentu zero.
Nune’e mós, PN aprova iha espesialidade orsamentu ba Sentru Nasionál Chega ho votu afavór 42, kontra zero no abstensaun 23.
Orsamentu ba Sentru Nasionál Chega hamutuk $1.804.377, kategoria saláriu no vensimentu $750.000, bens no servisu $720.757, transferénsia públika $241.148, kapitál menór zero no kapitál dezenvolvimentu $92.472.
Jornalista: Natalino Costa
Editór : Zezito Silva
