Deputada PD husu MOP fó atensaun ba estrada Leolima

DILI, 22 dezembru 2023 (TATOLI)—Deputada hosi bankada PD, Rozena Martins, husu ba Ministériu Obra Públika (MOP) atu fó atensaun lala’is ba estrada Leolima iha Balibo-Maliana ne’ebé kotu hetan estragu hosi udan boot foin lalais.
“Hakarak hato’o de’it iha diresaun estrada Balibo-Maliana hetan estragu makaas. Estrada ne’e hetan kotu iha diresaun ida iha ne’eba liuliu estrada suku Leolima nian,” nia hato’o liuhosi reuniaun plenária estaordináriu, sesta ne’e.
Aleinde ne’e, nia levanta mós prolema ponte Nunura ne’ebé mak nia projetu ne’e seidauk la’o no ponte refere atu kotu sala-sala de’it, nune’e husu ba Ministériu Obra Públika bele fó atensaun lalais hodi normaliza.
Antes ne’e, Deputadu CNRT, Gabriel Soares ho Deputada KHUNTO, Olinda Guterres, husu MOP no IGEADE, I.P daudaun ne’e tama ona iha tempu udan nune’e husu atu destaka ekipamentu pezadu sira iha territóriu hodi atende lala’is ba estrada no ponte ne’ebé kotu nune’e fasilita lalais movimentu populasaun nian.
Jornalista : Nelson de Sousa
Editór : Cancio Ximenes

