iklan

NASIONÁL, DILI, HEADLINE, SOSIEDADE SIVĺL

Indultu ba Emília no Madalena, Don Virgílio Kardeál husu sidadaun hotu respeita-tane aas KRDTL

Indultu ba Emília no Madalena, Don Virgílio Kardeál husu sidadaun hotu respeita-tane aas KRDTL

Arsebispu Arkidioseze Metropolitana Díli, Dom Vírgilio Kardeál do Carmo da Silva, SDB. Imajen/Tatoli

DILI, 22 dezembru 2023 (TATOLI) – Arsebispu Arkidioseze Metropolitana Dili, Don Virgílio Kardeál do Carmo, SDB, husu ba ema hotu atu respeita lei inan ka Konstituisaun Repúbika Demokrátika Timor-Leste (RDTL).

“Nasaun ida nia dignidade ne’e hamrik iha Konstituisaun nia leten. Konstituisaun mak lei inan ne’ebé tane aas dignidade rai ida ne’e nian”,  hatete Don Virgílio Kardeál, liuhosi nia mensajen Natal nian,  iha episkopal Lecidere-Dili.

Notísia relevante: TDD kondena Emília Pires pena prizaun tinan hitu no Madalena Hanjan tinan haat

Don Virgílio Kardeál afirma asuntu ne’e relasiona ho Prezidente Repúblika, Ramos Horta ne’ebe fó indultu ba eis-Ministra Finansa, Emilia Pires ho Madalena Hanjam iha loron 14 dezembru liuba.

“Depois de liu tiha desizaun Prezidente Repúblika nian kona-ba indultu ba Emilia Pires ho Madalena Hanjam, sidadaun hotu-hotu hatudu nia reasaun ida ne’e signifika katak timoroan hatudu nia interese no hakarak hatudu nia domin hodi tane dignidade nasaun,” afirma Arsebispu Arkidioseze Metropolitana Dili,

Timor-Leste nu’udar nasaun demokrátiku ne’ebé iha nia lei inan, Entaun iha situsaun sira ne’e hakarak husu ema atu tane aas konstituisaun.

“Ida ne’e sai oportunidade ida ba timoroan hotu hakarak hatene didi’ak no loloos ita nia lei hodi bele kontribui ba rai doben ida ne’e”, katak

Prezidente Repúblika, José Ramos Horta, liuhosi nia Dekretu Prezidente Repúblika iha loron 14 dezembru ho númeru 125/2023 hodi fó indultu ba kondenadu Eis Ministra Finansa, Emilia Maria Valeria Pires no eis Ministra Saúde, Madalena Fernandes Melo Hanjam Costa Soares.

Tribunál kondena pena prizaun ba Emilia Pires no Madalena Hanjam kona-ba prezu krime partisipasaun ekonómika no negósiu ka korrupsaun ho númeru prosesu NUC.1212/12.PDDIL.

Liuhosi prosesu rejulgamentu ba kazu ne’e, Tribunál primeira instánsia kontinua mantein hodi kondena arguida na’in-rua ho pena komarka tanba provadu ba krime partisipasaun ekonómika no negósiu ne’ebé previstu iha artigu 299 númeru 1 kódigu penál ba projetu fornesimentu kama ba Ospitál Nasionál Guido Valadares (HNGV, sigla portugés) liuhosi Ministériu Saúde no absolve krime administrasaun danoza, no aplika mós selu kustu judisiária $200.

Tanba ne’e, Diretór Ezekutivu ne’e dehan maske Xefe Estadu iha kompeténsia ka mandatu konstituisionál artigu 85 no Lei númeru 20 /2023, 12 dezembru kona-ba Prosedimentu Konsesaun Indultu no Komuntasaun ba Pena, maibé loloos labele foti desizaun hodi fó indultu ba ema sira ne’ebé komete krime bo’ot sira liuliu hanesan krime korrupsaun no violénsia seksuál.

Prezidente Repúblika foti desizaun ne’e bazea ba Konstituisaun RDTL artigu 85 alinea i katak, rona tuir Governu, atu fó perdaun ka hamenus kastigu.

Nune’e mós indultu ne’e bazea ba Lei númeru 20 /2023, 12 dezembru kona-ba Prosedimentu Konsesaun Indultu no Komuntasaun ba Pena.

Artigu 7 (instrusaun) númeru 1 hosi Lei ne’e hateten, kuandu Prezidente Repúblika deside konsede indultu no komutasaun ba pena, Prezidénsia Repúblika inísia ona prosesu.

Númeru 2 hosi artigu 7 hosi Lei ne’e fundamenta, rekerimentu indultu dirije ba Prezidente Repúblika no tenke akompaña ho desizaun ne’ebé ké hamonu pena ka medida seguransa ka kondenadu.

Nune’e mós desizaun ba indultu ne’e prevista iha artigu 8 (audisaun Governu), artigu 9 (desizaun) no artigu 11 (komunitasaun indultu, komutasaun no ezekusaun).

Notísia relevante:  Sosiedade Sivíl lamenta Xefe Estadu fó indultu ba kondenada Emília Pires no Madalena Hanjam

Jornalista : Jesuína Xavier

Editór         : Florencio Miranda Ximenes

iklan
iklan

Leave a Reply

iklan
error: Content is protected !!