Top

PPN husu deputadu sira halo reflesaun iha tempu natál-tinan foun

Joven ida monta prezépiu iha Palásiu Prezidensiál Nicolau Lobato, Bairru Pité nia oin, iha ámbitu konkursu organizadu husi Governu, domingu (12/12/2023). Imajen Tatoli/António Daciparu.

DILI, 22 dezembru 2023 (TATOLI)—Prezidente Parlamentu Nasionál, Maria Fernanda Lay, husu Deputadu sira iha Parlamentu Nasionál atu halo reflesaun iha tempu natál no tinan foun, hodi ema ida-idak kurije nia atetude nune’e hamutuk hodi serbi povu di’ak liután iha 2024.

“Ha’u hanoin ita hotu hanesan sala-na’in, ne’ebé estamos na festa natalícia aproveita ita halo reflesaun. Espera ho reflesaun, ita bele kurije ita-nia atetude iha tinan oin, pontualidade importante tanba povu presiza ita-nia serbisu. Ita mai pontuálidade iha ne’e hotu tiha ba halo serbisu seluk iha komisaun, ne’e mak hanoin efisiente no efikas no badinas iha tinan oin,” Prezidente PN ne’e hato’o liuhusi reuniaun plenária PN extaordináriu, sesta ne’e.

Nune’e, líder órgaun soberania daruak ne’e hato’o ba Deputadu hotu ne’ebé aproveita pasa ferias dahuluk hakarak dezeja feliz natál no ano novo prosperu ba deputadu hotu.

“Ita fila ho laran malirin, tinan oin ita bele halo revizaun ba lei no mós atividade barak ita bele serbisu hamutuk di’ak liután. Korúm bele kompleta iha tuku 09h00 dadeer hodi trata ajenda sira ho di’ak no ita hotu sei saudável. Espera tinan oin lori felisidade ba hotu-hotu, entaun boas ferias Deputadu sira hotu,” nia dehan.

Entretantu, Deputadu sira iha loron ohin ne’e hala’o reuniaun plenária ikus iha tinan 2023, nune’e hahú sei ferias no sei retoma serbisu iha loron 03 fulan-janeiru 2024.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!