iklan

NASIONÁL, DILI, HEADLINE, SOSIEDADE SIVĺL

Tinan ne’e, CVTL rejista doadór voluntáriu raan ba HNGV na’in-1.044

Tinan ne’e, CVTL rejista doadór voluntáriu raan ba HNGV na’in-1.044

Doasaun raan husi ekipas SASCAS.Imajen Tatoli/Antonio Daciparu

DILI, 28 de marsu 2023 (TATOLI) – Cruz Vermelha Timor-Leste (CVTL) rejista, iha tinan 2023 ne’e,  doadór voluntáriu raan ba Hospitál Nasionál Guidu Valadares (HNGV) hamutuk 1.044 hodi pasiente ajuda pasiente sira ne’ebé presiza raan.

“Doadór voluntáriu raan ba HNGV ne’e hamutuk 1.044 , kompostu hosi mane 708 no feto 336, ne’ebé konsege voluntariamente oferese nia-raan liu hosi atividade de mobilizasaun”, informa Jerente Programa Mobilizasaun Doasaun Ran iha CVTL, Jacinto Luís, hateten  ba Tatoli, iha Grencefor-Dili.

CVTL sensibiliza ema hamutuk 2.488, kompostu hosi mane 1504 no feto 980 iha munisípiu hotu kona-ba oinsa benefísiu halo doasaun ran ba ema no ba nia aan.

Objetivu hosi sensibilizasaun ne’e atu enkoraja ema atu fó raan hodi bele tulun pasiente presiza ran tanba dala barak ema tauk fó raan ba ema ne’e bele mate.

“Ita mobiliza no divulga informasaun no sensibiliza oinsa benefisiu doasaun raan ba ema. Hosi númeru ne’e ema ita konsege rekolla pakote ran mak ema hamtuk 1.044”, nia relata.

CVTL mobiliza no sensibiliza iha organizasaun barak no ema individu no konstantemente halo doasaun raan mak hanesan Instituto Ciencias da Saude (ICS), Freedom Faithnet Global (FFG) no Prizaun Becora.

“Tinan ida ne’e, ita fó apoiu urjente ba ema moras dengue hamutuk 87 . Ita kontatu ita nia doador sira ne’ebé maioria ne’e funsionáriu no estudante”, nia refere.

Responsável ne’e doasaun ran iha hospital referal sira hanesan Baucau, Covalima, Maubise, Maliana, no Oe-cusse ne’e rai oituan pakote 10 resin de’it no dala barak lori mai Dili tanba laiha kondisaun sufisiente hodi rai raan.

CVTL laiha tékniku hodi hala’o doasaun raan, maibé CVTL sai parseiru  di’ak ho Ministériu Saúde nian hodi halo kolleta ba raan hosi doadór voluntáriu sira.

Jornaslita: Jesuína Xavier

Editór       : Florencio Miranda Ximenes

iklan
iklan

Leave a Reply

iklan
error: Content is protected !!